ކާރެއްގެ ތެރޭގައި މީހަކު ރަހީނުކޮށް ފައިސާ ދިނުމަށް ބިރުދެއްކި މީހަކު ހައްޔަރުކޮށްފިއެވެ.
މި މައްސަލައާ ގުޅިގެން ހައްޔަރުކޮށްފައި ވަނީ މާލެ ދަފްތަރު ނަމްބަރު RS9022 އުމުރުން 37 އަހަރުގެ ތޮލާލް މޫސާ ކަމަށް ފުލުހުން ބުނެއެވެ.
މިޑިއާތަކަށް ފޮނުވި މެސެޖެއްގައި ފުލުހުން ބުނީ ނޮވެމްބަރު 11 ވަނަ ދުވަހުގެ ރޭ ހުޅުމާޅެ އޯކިޑްމާ ހިނގުމުގައި ކާރެއްގެ ތެރޭގައި ދިވެހި ފިރިހެނަކު ރަހީނުކޮށް ހިފެހެއްޓި މައްސަލައެއް ރިޕޯޓްކޮށްފައިވާ ކަމަށެވެ.
މި މައްސަލައާ ގުޅިގެން ހައްޔަރު ކުރި ތޮލާލް މޫސާ ވަނީ ރަހީނުކުރި މީހާއަށް އަނިޔާކޮށް ބިރުދައްކައި އާއިލާ މީހުންނަށް ގުޅައި ފައިސާއަށް ޑިމާންޑްކޮށްފައި ކަމަށް ވެސް ފުލުހުން ވަނީ ބުނެފައެވެ. ފުލުހުން އިތުރަށް ބުނީ މި މައްސަލަ ތަހުގީގުކުރަމުންދާ ކަމަށެވެ.
