ކަނޑުމަގުން ރާއްޖެ އެތެރެކުރަން އުޅުނު 3.3 ކިލޯގްރާމްގެ މަސްތުވާތަކެތި އަތުލައިގެންފިއެވެ.
މަސްތުވާތަކެތި އަތުލައިގެންފައި ވަނީ މާލެ ކޮމާޝަލް ހާބަރުން ކަމަށް ކަސްޓްމްސްއިން ބުނެއެވެ.
ކަސްޓްމްސްއިން ބުނީ އަތުލައިގަނެވިފައި ވަނީ 2 ބާވަތެއްގެ މަސްތުވާތަކެތި ކަމަށެވެ. އެއީ 2282 ގްރާމްގެ ކެނެބިސް އަދި 1038 ގްރާމްގެ ކެތިނޯން ކަމަށް ވެސް ކަސްޓަމްސްއިން ވަނީ ބުނެފައެވެ.
ޖުމްލަ ބަރުދަނުގައި 3.3 ކިލޯގްރާމް ހުރި މި މަސްތުވާތެކެތި އަތުލައިގެންފައި ވަނީ މިދިޔަ އާދީއްދަ ދުވަހުއެވެ.
މިދިޔަ މަހުގެ 31 ވަނަ ދުވަހު ވެސް ކަސްޓަމްސްއިން ވަނީ ކަނޑުމަގުން ރާއްޖެ އެތެރެ ކުރަން އުޅުނު 5.9 ކިލޯގެ މަސްތުވާތަކެތި އަތުލައިގެންފައެވެ. އޭގެތެރޭގައި ވެސް ހިމެނެނީ މަސްތުވާތަކެތީގެ ބާވަތެއްކަމަށްވާ ކެނެބިސް އަދި ކެތިނޯންއެވެ.
ކޮބާ ބޯޓުގެ ނަމާއި އެތެރެކުރަން އުޅުން ކުންފުނީގެ ނޫނީ މީހާގެ ވަނަވަރު؟ ހަމަ އެއްބައި ކުންފުނި ނޫނީ ވަކި ފަރާތެެއްވީމަ ނުޖަހަނީ. އެހެންވެ ތިބުނާ މިނިސްޓަރުންނާ ކަސްޓަމުން ދައްކާ ވަާހަކަ ގަބޫލުކުރަން ދަތީ.