ޕަކިސްތާންގެ ރެއިލްވޭ ސްޓޭޝަނަށް އަމާޒުކޮށް ދިން ޖާނުންފިދާ ވުމުގެ ހަމަލާއެއްގައި 24 މީހަކު މަރުވެއްޖެއެވެ.
މި ހަމަލާގެ ޒިންމާ ވަކިވެގަތުމަށް މަސައްކަތް ކުރާ ބަލޯޗިސްތާން ލިބަރޭޝަން އާމީން އުފުލާފައި ވާ އިރު، ހަމަލާ ދިނީވެސް ބަލޯޗިސްތާން ޕްރޮވިންސުގައެވެ. ހަމަލާގައި މަރުވި މީހުންގެ އިތުރުން 40 މީހަކު ވަނީ ޒަހަމް ވެފައެވެ.
ހަބަރުތަކުން ބުނާގޮތުން ހަމަލާ ދިން ވަގުތަކީ، ކްއެޓާއިން ޕެޝާވަރަށް ދާ ރެއިލަށް އެތައް ސަތޭކަ ބަޔަކު މަޑުކޮށްގެން ތިބި ވަގުތެކެވެ.
ޕާކިސްތާނުގެ އެންމެ ފަގީރު އެހެން ނަމަވެސް ގުދުރަތީ މުއްސަނޑިކަން ލިބިފައިވާ ބަލޯޗިސްތާން އަކީ ހަތިޔާރު އެޅި ޖަމާއަތްތައް ހަރަކާތްތެރިވާތީ ހަމަޖެހުމެއް ނައިސް އަބަދުވެސް ނުތަނަވަސްކަމެއްގައި އޮންނަ ޝަހަރެކެވެ.
އީރާނާއި އަފްގާނިސްތާނާ އިންވެގެން އޮންނަ މި ޝަހަރަށް އެ ދެގައުމުން ސްމަގްލް ކުރާކަމުގެ ތުހުމަތުތައް ވެސް ގިނައެވެ.
އެ ޝަހަރުގައި މީގެ ކުރިންވެސް މިފަދަ ހަމަލާތައް ދީފައި ވާ އިރު، އެ ޝަހަރުގައި އިންވެސްޓް ކޮށްގެން އުޅޭ ޗައިނާ ސަރުކާރުގެ ކުންފުނީގެ މުވައްޒަފުންނަށް އަމާޒުކޮށްގެން ހަމަލާތައް ދީފައި ވެއެވެ. އަދި އެ ޝަހަރުގައި ހުންނަ ޕޮލިސް ޕޯސްޓްތަކަށް ހަމަލާ ދިނުމާއި، ބޭރުގެ ފަރާތްތަކަށް އަމާޒުކޮށް ހަމަލާ ދިނުން ފަދަ ހާދިސާތައްވެސް ހިންގާފައި ވެއެވެ.
