މުދައްރިސުން ތަމްރީނުކުރުމުގެ ގައުމީ ޕްރޮގްރާމް ރައީސް ޑރ. މުހައްމަދު އިފްތިތާހުކޮށްދެއްވައިފިއެވެ.
ރައީސް މި ޕްރޮގްރާމް އިފްތިތާހުކޮށްދެއްވީ އެކަމަށްޓަކައި ދިވެހިރާއްޖޭގެ ގައުމީ ޔުނިވާސިޓީގައި ބޭއްވި ރަސްމިއްޔާތެއްގައެވެ.
މި ރަސްމިއްޔާތުގައި މުދައްރިސުން ތަމްރީނުކުރުމުގެ ގައުމީ ޕްރޮގްރާމްގައި ބައިވެރިވި ދަރިވަރުންނަށް ރައީސް ވަނީ ސްކޮލާޝިޕްގެ ލިޔުން ހަވާލުކޮށްދެއްވާފައެވެ.
މި އަހަރުގެ މާޗު މަހުން ފެށިގެން މިހާތަނަށް ރާއްޖޭގެ 21 ރަށަކުން މުދައްރިސްކަން ކިޔެވުމަށް 130އަށް ވުރެ ގިނަ ދަރިވަރުން ޝައުގުވެރިކަން ފާޅުކޮށްފައިވާކަމަށް މި ރަސްމިއްޔާތުގައި ވާހަކަ ދައްކަވަމުން އެޑިއުކޭޝަން މިނިސްޓަރު ޑރ. އިސްމާއީލް ޝަފީއު ވަނީ ވިދާޅުވެފައެވެ. މިނިސްޓަރު މީގެކުރިން ވިދާޅުވެފައި ވަނީ ޖުމްލަ 2،400 އަށްވުރެ ގިނަ މުދައްރިސުން ދާއިރާއަށް މިހާރު ބޭނުންވާކަމަށާއި ޕްރައިމަރީ ގްރޭޑްތަކަށް އެކަނިވެސް 250 މުދައްރިސުން ބޭނުންވާ ކަމަށެެވެ.
މި ޕްރޮގްރާމްއަކީ ދިވެހިރާއްޖޭގައި ކިޔަވައިދޭނެ ދޭސީ ފެންވަރު ރަނގަޅު މުދައްރިސުން ތަމްރީނު ކުރުމަށްޓަކައި އެޑިއުކޭޝަން މިނިސްޓްރީއިން ފެށި ޕްރޮގްރާމްއެކެވެ. ރާއްޖޭގެ ސްކޫލުތަކުގައި ކިޔަވައިދޭނެ ފެންވަރު ރަނގަޅު ދިވެހި މުދައްރިސުން ތަމްރީނު ކުރުމަކީ ރައީސް މުއިއްޒުގެ ރިޔާސީ ވައުދުފުޅެކެވެ.
ތަމުރީނު ކުރުމަކުން ކޮންކަމެއްވާނީ ވަޒީފާތައް ސުކޫލުގާހުރެ އިއުލާނު ކުރަނީކީނޫން ޓީޗިންހަދާގެން ބޭކާރުވެފަ ޖެހެނީ ތިބެން އަދި ޓީޗިން ހަދާފަ ތިބޭމީހުނަށް އެހެންވަޒީފާއެއްވެސް ލިބެނީކީނޫ މިއޮންއެއްޗެހި އގުބޮޑު.ޒަމާނުގާ ވ ދެރަ