ހދ. ކުޅުދޫފުށީ ގެއެއްގައި އަލިފާނުގެ ބޮޑު ހާދިސާއެއް ހިނގާ ގޭގެ ބޮޑު ބައެއް އަނދައިފިއެވެ.
އެމްއެންޑީއެފް އިން ބުނީ "ސަމޭދާން" ނަމަކަށް ކިޔުނު އެ ގޭގައި އަލިފާން ރޯވި ކަމުގެ ރިޕޯޓު ރޭ 21:13 ހާއިރު އެމްއެންޑީއެފްގެ ނޮދަން އޭރިއާ ކޮމާންޑް، ކުޅުދުއްފުށި ފަޔަާ ސްޓޭޝަނަށް ލިބިފައިވާ ކަމަށެވެ.
އެއާއެކު ފަޔަާ ފައިޓަރުން އެ ސަރަހައްދަށް ގޮސް އަލިފާން ނިއްވުމުގެ މަސައްކަތް ކޮށްފައި ވާކަމަށާއި މި އަލިފާން ގަނޑު ނިނއްވާލެވިފައިވަނީ ރޭ 22:25 ހާއިރު ކަމަށް އެމްއެންޑީއެފް އިން ވަނީ ބުނެފައެވެ.
އަލިފާން ރޯވާން ދިމާވި ސަބަބު އެމްއެންޑީއެފް އިން ހާމަކޮށްފައިނުވި ނަމަވެސް އެމްއެންޑީއެފް އިން ބުނީ މި ހާދިސާގައި އެއްވެސް ފަރާތަކަށް ގެއްލުން ލިބުނު ކަމުގެ ރިޕޯޓު ލިބިފައިނުވާ ކަމަށެވެ.
