ލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ' ސުޒުކީ ބީޗް ކްލީން އަޕް ހަރަކާތުން ހުޅުމާލެ ފޭސް 2 ގެ ގޮނޑުދޮށުން 426 ކިލޯގެ ކުނި ނަގައިފިއެވެ.
ހުކުރު ދުވަހު ކުރިއަށް ގެންދިޔަ މި ހަރަކާތުގައި ސޭވް ދަ ބީޗް އަދި ހުޅުމާލެ މަސްވެރިންގެ ޖަމިއްޔާގެ އިތުރުން ވެމްކޯ އާއި އެޗްޑީސީގެ ފަރާތުން ވަރަށް ބޮޑު އެހީތެރިކަމެއް ލިބިފައިވާކަމަށް އެމްޓީސީސީ އިން ވަނީ ބުނެފައެވެ.
އެމްޓީސީސީގެ މެނޭޖިން ޑިރެކްޓަރު އަހްމަދު ސައުދީ އަދި ޑެޕިއުޓީ މެނޭޖިން ޑިރެކްޓަރު ބައިވެރިވި މި ހަރަކާތަށް ބޮޑު ތަރުހީބެއް ލިބިފައިވާކަން ފާހަގަކޮށް އެމްޓީސީސީ އިން ބުނީ މުވައްޒަފުންގެ ބައިވެރިވުމަކީ މި ހަރަކާތް ކާމިޔާބުކަމާއެކު ކުރިއަށް ދިޔަ ސަބަބެއްކަމަށް ބުނެފައެވެ. މި ހަރަކާތުގައި 426 ކިލޯގެ ކުނި ނަގާފައިވާއިރު އެމްޓީސީސީ އިން ވަނީ ތިމާވެށި ރައްކާތެރިކުރުމަށް ކުރެވޭ މަސައްކަތްތަކުގެ މުހިންމުކަން ފާހަގަކޮށްފައެވެ.
މީގެ އިތުރުން އެމްޓީސީސީ އިން ވަނީ މުޖުތަމައަށް އެހީތެރިވެދީ، ރަނގަޅު މާދަމާއެއް ކަށަވަރުކުރުމުގެ ދަތުރު ކުރިއަށް ގެންދާއިރު، ސާފު، ފެހި މާހައުލަކަށް ގޮވާލާފައެވެ.
