2021 ވަނަ އަހަރު ސަރުކާރުން ވިއްކި 500 މިލިއަލް އެމެރިކާ ޑޮލަރުގެ ސްކޫކަކަށް މިމަހު ދައްކަން އޮތް ޕޭމަންޓް ސަރުކާރުން ދައްކައިފިއެވެ.
ފިނޭންސް މިނިސްޓްރީން މިއަދު ނެރުނު ކުރު ބަޔާނެއްގައި ބުނީ، 2021 ގައި ވިއްކާ 2026 އަށް ދައްކާ ހަލާސް ކުރަން ޖެހޭ ސްކޫކަކަށް އެކި މަހުން ދައްކަން ޖެހޭ ޕޭމަންޓުގެ ތެރެއިން މިމަހު 8 އަށް ދައްކަން އޮތް ޕޭމަންޓް އިއްޔެ ދައްކާފައި ވާ ކަމަށެވެ.
ދަރަނި ހަލާސް ކުރުމަކީ މި ސަރުކާރުން އަހަންމިއްޔަތު ކަން ދޭ ކަމެއްކަން ފާހަގަ ކޮށް ބުނެފައި ވަނީ މުއްދަތަށް ޕޭމަންޓްތައް ދައްކަމުން ދާކަމީ ދަރަނި ދޭ ފަރާތްތަކާއި އިންވެސްޓަރުންނަށް ދިވެހި ސަރުކާރުން ބަރާބަރަށް ކަންކުރާނެ ކަމުގެ ޔަގީންކަން ލިބިދޭ ކަމެއް ކަމަށެވެ.
2021 ގައި ނަގާފައި އޮތް މި އިސްލާމިކް ބޮންޑުގެ އިންޓަރެސްޓް ރޭޓް ވަނީ 2.3 ޕަސެންޓަށް އުފުލިފައެވެ. އެއީ މާލީ ބާޒާރަށް އަންނަ ބަދަލާއެކު ބަދަލުވަމުން ދާ އެއްޗެއް ކަމުން ޑޮލަރަކުން 75 ސެންޓް އުފުލިފައި ވާ ކަމަށް މާލީ އިދާރާތަކުން މީގެ ކުރިން ބުނެފައި ވެއެވެ.
މި ސުކޫގާ ގުޅޭގޮތުން އެމްއެމްއޭއިން މީގެ ކުރިން ބުނެފައި ވަނީ، ރާއްޖެއިން އަދާ ކުރަން ޖެހޭ ދަރަނި ދެއްކޭނެ ކަމުގެ ފުރިހަމަ ޔަގީންކަން އޮތް ކަމަށެވެ.
