ރޭ ފަތިހު ހުޅުމާލެ ފޭސް 1 ގެ ސްޕާއަކަށް ވަދެ ކަޓަރު އަޅާ އަންހެނެއްގެ އަތުން ފޭރުނު .މައްސަލައިގައި ތުހުމަތުވާ މީހާ ހައްޔަރު ކޮށްފިއެވެ.
މި މައްސަލައިގައި ހައްޔަރު ކޮށްފައިވާ މީހާގެ ވަނަވަރު ފުލުހުން ވަނީ އާންމު ކޮށްފައެވެ. ފުލުހުން ބުނީ މި މައްސަލައާ ގުޅިގެން ކޯޓު އަމުރެއްގެ ދަށުން ހައްޔަރު ކޮށްފައި ވަނީ ގދ. ތިނަދޫ ސްކޫނާ އުމުރުން 29 އަހަރުގެ އަލީ ޝައްމާހު ވަހީދު ކަމަށެވެ.
މި ހާދިސާގައި ބިދޭސީ އަންހެން މީހާއަށް ވަނީ ކަޓަރުން ހަމަލާ ދީފައެވެ. އެ މީހާގެ ގައިގައި ކަޓަރު އަޅާ، ބިރުދައްކައިގެން ފައިސާ ފޭރިފައިވާ ކަމަށް ފުލުހުން ބުނެއެވެ.
މި މައްސަލަ ތަހުގީގު ކުރަމުން އަންނަ ކަމަށް ވެސް ފުލުހުން މިއަދު ހެނދުނު ބުނެފައި ވާ އިރު މި ހާދިސާގައި ފޭރިފައި ވަނީ ކިހާ އަދަދެއްގެ ފައިސާއެއްކަން ފުލުހުން އަދި ހާމަކޮށްފައެއް ނުވެއެވެ.
