ސިނަމާލެ ބްރިޖުގެ ހައިވޭގައި ރޭ ހިނގި އެކްސިޑެންޓަކާ ގުޅިގެން ދެ މީހަކު ހޯދަން ފަށައިފިއެވެ.
މީސްމީޑިއާގައި ވީޑިއޯއެއް އާންމުކުރުމަށް ފަހު ފުލުހުން ބުނީ، އެކްސިޑެންޓްގެ މައްސަލައަކާ ގުޅިގެން ދެ މީހަކު ހޯދަމުންދާ ކަމަށާއި، އެ މައްސަލަ ހެންވޭރު ފުލުހުން ތަހްގީގުކުރަމުންދާ ކަމަށެވެ.
އެކަމަކު އެއީ ކޮން ބައެއް ކަން ދެނެގަނެވިފައި ނުވާ ކަމަށް ފުލުހުން ބުނެއެވެ.
ވީޑިއޯއިން ފެންނަ ދެ މީހުންގެ ތެރެއިން އެކަކު ހުރީ ރަތްކުލައިގެ ހެލްމެޓެއް އަޅައި، ބުރަކަށި މަތީގައި ބޮޑު ދަބަހެއް އަޅުވައިގެންނެވެ. ދެވަނަ މީހާ ހުރީ ކަޅުކުލައިގެ ހެލްމެޓެއް އަޅައި، ފެހިކުލައިގެ ފަތްތަކެއް ކުރަހާފައި ހުރި ހުދު ގަމީހެއް ލައިގެންނެވެ.
އެ ވީޑިއޯގައި ހައިވޭ މައްޗަށް ސައިކަލެއް ވެއްޓިފައިވާ މަންޒަރެއް ވެސް ފެނެއެވެ.
މި ދެ މީހުންނާ ބެހޭ އެއްވެސް މައުލޫމާތެއް ލިބިފައިވާ ނަމަ، ހެންވޭރު ފުލުހުންނާ ގުޅައި (9400053) ހިއްސާކުރުމަށް ފުލުހުން އެދެއެވެ.
