ތިނަދޫ ސިޓީ މިއުޒިއަމް ޕާކުކައިރީ ހުރި ގެއެއްގައި އަލިފާނުގެ ހާދިސާއެއް ހިނގައިފިއެވެ.
އެމްއެންޑީއެފް އިން ބުނީ ތިނަދޫ ސިޓީ މިއުޒިއަމް ޕާކުކައިރީ ހުރި ގެއެއްގައި އަލިފާނުގެ ހާދިސާއެއް ހިނގި ކަމުގެ ރިޕޯޓު އެމްއެންޑީއެފް އަށް މިއަދު މެންދުރު 14:39 އެހާކަން ހާއިރު ލިބިފައިވާ ކަމަށެވެ.
އެމްއެންޑީއެފް އިން ބުނީ އެއާއެކު އެމްއެންޑީއެފް ސަދަން އޭރިޔާ ކޮމާންޑް، ތިނަދޫ ފަޔާ ސްޓޭޝަނުގެ ފަޔާ ފައިޓަރުން އެ ސަރަހައްދަށް ގޮސް އަލިފާން ނިއްވުމުގެ މަސައްކަތް ކޮށްފައިވާ ކަމަށެވެ.
މި އަލިފާންގަނޑު ނިއްވާލެވިފައިވަނީ މެންދުރު 15:00 ހާއިރު ކަމަށް އެމްއެންޑީއެފް އިން ވަނީ ބުނެފައެވެ.
އެމްއެންޑީއެފް އިން ބުނީ އަލިފާން ރޯވި މިގޭގައި ދިރިއުޅެމުން ދަނީ ބިދޭސީން ކަމަށާއި، އޭގެތެރެއިން އެކަކުގެ ފަޔަށް އަނިޔާވެފައިވާ ކަމަށެވެ.
