ރާއްޖޭގައި އުޅޭ ބޭރު ގައުމުތަކުގެ މީހުންގެ ތެރެއިން ފާއިތުވި 8 މަސް ތެރޭ 39 މީހަކު އިސްލާމް ވެއްޖެއެވެ.
އިސްލާމިކް މިނިސްޓްރީން ވަނީ މިހާތަނަށް ކޮށްފައިވާ މަސައްކަތްތައް އެއް ތަނަކުން ފެންނަ "މީޑިއާ މައުރަޒު" އެއް ހުޅުވާފައެވެ. މި މައުރަޒުގައި ބަހައްޓާފައި ހުރި ތަފާސްހިސާބަކުން އެނގޭ ގޮތުގައި، ރާއްޖޭގައި މިދިޔަ 8 މަސް ތެރޭގައި، ތޭރަ ގައުމަކަށް ނިސްބަތްވާ މީހުން ވަނީ އަލަށް އިސްލާމްވެފައެވެ. އެއީ:
- ފިލިޕީންސް - 8 މީހުން
- އިންޑޮނޭޝިޔާ - 3 މީހުން
- މެލޭޝިޔާ - 1 މީހުން
- އިންޑިއާ - 5 މީހުން
- ސްރީލަންކާ - 3 މީހުން
- ސްޕެއިން - 1 މީހުން
- ނޭޕާލް - 4 މީހުން
- ރަޝިޔާ - 3 މީހުން
- އިޓަލީ - 3 މީހުން
- ޖަޕާން - 1 މީހުން
- ތައިލެންޑް - 3 މީހުން
- ވިއެޓްނަމް - 2 މީހުން
- ޖާމަނީ - 2 މީހުން
ނައިބު ރައީސް ހުސައިން މުހައްމަދު ލަތީފް އިފުތިތާހު ކޮށްދެއްވި މި މައުރަޒުގައި ފާއިތުވި 8 މަސް ދުވަހު އިސްލާމިކް މިނިސްޓްރީން ހިންގާފައިވާ އެކި ކަހަލަ ޕްރޮގްރާމުތަކާ ގުޅުން ހުރި މައުލޫމާތުތައްވެސް ހިމަނާފައިވެއެވެ.
މި މައުރަޒު އިއްޔެވެސް ކުރިއަށް ގެންގޮސްފައިވާއިރު، މި މައުރަޒު ދެން ކުރިއަށް ގެންދާނީ މިއަދު ހެނދުނު 9:00 އިން ހަވީރު 6:00 އާ ހަމައަށެވެ. މި މައުރަޒުގައި އިސްލާމިކް މިނިސްޓްރީގެ އެކި ސެކްޝަންތަކާއި އިދާރާތަކުގެ ސްޓޯލްތައް ވަނީ ބަހައްޓާފައެވެ.
