މާލޭގައި މީހަކު ރަހީނު ކުރި މައްސަލައަކާ ގުޅިގެން 3 މީހަކު ހައްޔަރުކޮށްފިއެވެ.
ފުލުހުން ބުނީ ދިވެހި ފިރިހެނަކު ރަހީނުކޮށްގެން މާލޭ ގެއެއްގައި ގެންގުޅުނު މައްސަލައެއް އިއްޔެ ފުލުހުންނަށް ރިޕޯޓްކޮށްފައިވާ ކަމަށެވެ.
މި މައްސަލައާ ގުޅިގެން ހައްޔަރުކޮށްފައި ވަނީ އުމުރުން 30 އަހަރުގެ، 27 އަހަރުގެ އަދި 22 އަހަރުގެ ދިވެހި 3 ފިރިހެނުން ކަމަށް ފުލުހުން ބުނެއެވެ. އަދި މި 3 މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރު ކުރުމުން އެ މީހުންގެ ބަންދަށް 10 ދުވަހަށް ޖަހާދީފައިވާ ކަމަށް ފުލުހުން ބުނެއެވެ.
އެ މީހުންގެ ކޯޓު އަމުރުގައި ބުނެފައި ވަނީ 3 މީހުން ވެސް ހައްޔަރުކޮށްފައި ވަނީ ސީނުން ކަމަށެވެ. އަދި އެމީހުން ހައްޔަރު ކުރި އިރު އަނިޔާ ލިބުނު ފަރާތް (ވިކްޓިމް) ވެސް ސީންގައި ހުރިކަން އިންވެސްޓިގޭޝަން އޮފިސަރުން ބުނެފައިވާ ކަމަށެވެ.
މީގެއިތުރުން އަނިޔާ ލިބުނު މީހާއަށް ދެވޭނީ ފައިސާ ދިނުމުން ކަމަށް ބުނެ އިންޒާރުދީފައިވާ ކަމަށާއި ސީސީޓީވީ ފުޓޭޖުން މި މީހުން އޭނާ ގޮވައިގެންދާ މަންޒަރު ފެންނަކަމަށް އިންވެސްޓިގޭޝަން އޮފިސަރުންނާ ހަވާލާދީ ކޯޓު އަމުރުގައި ބުނެފައިވެއެވެ.
ތަނުގާ ނުކަތާވަރަށް އެއްތަނަކަށް މީހުން ގިނަވީމާ ތިކަހަލަ އަދި ތިޔަށްވުރެވެސް ނުބައި ޖަރީމާތަޢް އިތުރުވާނެ! ފްލެޓްއަޅާފާ އެއްތަނަކަށް މީހުން މިއަޅަނީ ކައިބޮއި އުޅެވޭނެ ހަލާލު އާމްދަނީއެއް ލިބޭ ގޮތެއް ފަހިވެފާ އޮޮތީކީއެއްނޫން ވީމާ ތިކަހަލަ ޖަރީމާ ތަށް ހިނގާނެ ހިންގޭނެ ފްލެޓްވިޔަފާރި ވަރަށް ނުރައް ކާތެރި ކަމެއް