ސަރުކާރަށް 43 އަހަރު ހިދުމަތް ކުރެއްވި މ. ކަރާދުނބުރިއާގެ، މުހައްމަދުފުޅު އަވަހާރަވުމާ ގުޅިގެން ރައީސް ޑރ. މުހައްމަދު މުއިއްޒު ތައުޒިޔާ ވިދާޅުވެއްޖެއެވެ.
ރައީސް ވިދާޅުވީ މުހައްމަދުފުޅަކީ، 43 އަހަރަަށްވުރެ ދިގު މުއްދަތަކަށް ސަރުކާރަށް ހިދުމަތް ކުރައްވާފައިވާ ބޭފުޅެއްކަމަށާއި ސަރުކާރުގެ ހިދުމަތުން ރިޓަޔާކުރެއްވިއިރު ހުންނެވީ ރައީސުލްޖުމްހޫރިއްޔާގެ އޮފީހުގެ ސެކިއުރިޓީ އޮފިސަރެއްގެ މަގާމުގައިކަމަށް އެމަނިކުފާނު ވިދާޅުވިއެވެ.
ރައީސް ވަނީ މުހައްމަދުފުޅު އަވަހާރަވުމާއި ގުޅިގެން އާއިލާއަށް ތައުޒިޔާ ދަންނަވާ މަރުހޫމްގެ ފުރާނަ ސުވަރުގޭގައި ލެއްވުމަށް އެދި ދުއާކުރައްވާފައެވެ.
މުހައްމަދުފުޅު އަވަހާރަވި އިރު އުމުރަކީ 80 އަހަރެވެ. މުހައްމަދުފުޅުގެ ޖަނާޒާ ބާއްވާފައިވަނީ ރޭ އިޝާ ނަމާދަށްފަހު މަސްޖިދު ޒައިދު ބިން ޘާބިތު (ހުޅުމާލެ ސަހަރާ) މިސްކިތުގައެވެ.
