ހިޖުރީ އާ އަހަރުގެ ފުރަތަމަ ދުވަސް ސަރުކާރު ބަންދު ދުވަހެއް ގޮތުގައި ކަނޑައަޅައިފިއެވެ.
ރައީސް އޮފީހުގެ ޗީފް ސްޕޯކްސްޕާސަން ހީނާ ވަލީދު ވިދާޅުވީ ހިޖްރީ އާ އަހަރުގެ ފުރަތަމަ ދުވަސް ކަމުގައިވާ މުހައްރަމް މަހުގެ 1 ވަނަ ދުވަސް (މި ޖުލައިމަހުގެ 7 ވަނަ ދުވަސް) ކުރިންވެސް ކަނޑައެޅިފައިވާ ގޮތަށް ބަންދުވާނެ ކަމަށެވެ.
ރައީސް ޑރ. މުހައްމަދު މުއިއްޒު ވެރިކަމާ ހަވާލުވެވަޑައިގަތުމަށްފަހު، އެ މަނިކުފާނުގެ ރިޔާސީ ވައުދުފުޅާ އެއްގޮތަށް ރޯދަ މަހުގެ ފަހު 10 ދުވަހަކީ ސަރުކާރު ބަންދު ދުވަސްތަކެއް ކަމުގައިވެސް ވަނީ ހަމަޖައްސައި ދެއްވާފައެވެ.
ރައީސް ވިދާޅުވީ ފަހު 10 ގައި އަޅުކަމަށް ވަގުތު ހުސްކުރުމަށް މަގު ފަހި ކުރުމަށާއި، ރޯދަމަހުގެ ދަރުމައާއި ސަވާބު އެންމެ އެދެވޭ ގޮތުގައި ހޯދުމަށް މި ކަމުގެ ސަބަބުން ފަސޭހަވެގެން ދާނެ ކަމަށެވެ.
