ލައިސަންސް ނެތި ދުއްވުމުން ވެލާނާ އިންޓަނޭޝަނަލް އެއާޕޯޓް ޓްރެފިކް ލައިޓް ކައިރިން ފުލުހުން އުޅަނދެއް ޓޯ ކޮށްފިއެވެ.
ފުލުހުން ބުނީ އެ އުޅަނދު ޓޯ ކޮށްފައި ވަނީ އެއާޕޯޓް ލައިޓް ކައިރިން ދަތުރު ކުރަނިކޮށް، ހުއްޓުވައި ޗެކުކުރި އިރު ޑްރައިވިން ލައިސަންސް ނެތި ދުއްވިކަން ފާހަގަ ކުރެވިގެން ކަމަށެވެ.
ގަވާއިދާ ހިލާފަށް ދުއްވުމާ ގުޅިގެން ސިނަމާލެ ބްރިޖްގައި ގިނަ އަދަދެއްގެ އެކްސިޑެންޓުތައް ވަމުން އަންނަ އިރު، ފުލުހުންގެ ތަފާސްހިސާބު ތަކުން ދައްކާ ގޮތުގައި މި އަހަރުގެ މިހާތަނަށް 1،364 ޓްރެފިކް އެކްސިޑެންޓް ރިޕޯޓް ކޮށްފައި ވެއެވެ.
މީގެ ތެރެއިން ގިނަ އެކްސިޑެންޓުތައް ހިނގާފައި ވަނީ ބާރު ސްޕީޑްގައި ދުއްވުމާއި އޯވާޓޭކް ކުރަން އުޅުމުގެ ތެރޭގައިކަން ފާހަގަ ކުރެވެއެވެ. ފުލުހުން މައުލޫމާތު ދޭ ގޮތުގައި އެކްސިޑެންޓު ގިނަވާން މެދުވެރިވާ މައިގަނޑު ސަބަބަކީ ގަވައިދާ ހިލާފަށް ބާރު ސްޕީޑުގައި ދުއްވާފައި ދިއުމުން ކޮންޓްރޯލް ނުވުމެވެ.
