މާލެ ސަރަހައްދުގެ 28 ތަނެއްގައި އަޟްހާ އީދު ނަމާދު ކުރުމަށް ހަމަޖެހިފައިވާ ކަމަށް އިސްލާމިކް މިނިސްޓްރީން ބުނެފިއެވެ.
އިސްލާމިކް މިނިސްޓްރީން ބުނީ މޫސުން ގޯސްވެ މައިދާންތަކުގައި ކުރަން ހަމަޖެހިފައިވާ ބޮޑު ޖަމާއަތުގެ އީދު ނަމާދު ކެންސަލް ކުރަންޖެހިއްޖެ ހާލަތެއްގައި މާލޭގެ އީދު ނަމާދު ކުރާނީ ހުކުރު ކުރާ މިސްކިތްތަކުގައި ކަމަށެވެ.
އަދި މައިދާންތަކުގެ އިތުރުން މިސްކިތްތަކުގައިވެސް އަންހެން ކަނބަލުންނަށް ނަމާދު ކުރެވޭނެ އިންތިޒާމު ހަމަޖައްސާފައިވާނެ ކަމަށް އެ މިނިސްޓްރީން ވަނީ ބުނެފައެވެ.
މާލޭގައި ބޮޑު ޖަމާއަތުގައި އީދު ނަމާދު ކުރުމަށް ހަމަޖެހިފައިވަނީ މާފަންނު ސްޓޭޑިއަމް ގައެވެ. އަދި ހުޅުމާލެ ފޭސް 1 ގެ ބޮޑު ޖަމާއަތް ސްޓޭޑިއަމް (ސިންތެޓިކް ޓްރެކް) ސަރަހައްދު ގައި ކުރާއިރު ފޭސް 2 ގެ ބޮޑު ޖަމާއަތް ކުރަން ހަމަޖެހިފައި ވަނީ ކްރިކެޓް ސްޓޭޑިއަމް ސަރަހައްދުގައެވެ. ވިލިމާލޭގެ ބޮޑު ޖަމާއަތް އޮންނާނީ ވިލިނގިލި ބޯޅަދަނޑުގައެވެ.
ބޮޑު ޖަމާއަތުގެ އިތުރުން އީދު ނަމާދު ކުރާނެ މިސްކިތްތައް؛
- މަސްޖިދުއް ސުލްތޯން މުހައްމަދު ތަކުރުފާނުލް އަޢުޒަމް
- މަސްޖިދު މަލިކި ސަލްމާން
- މަސްޖިދުލް ފުރްގާން
- މަސްޖިދުއް ނޫރު
- މަސްޖިދުއް ޝަހީދު އަލީ
- މަސްޖިދުއް ސުލްތޯން ހަސަން އިއްޒުއްދީން
- މަސްޖިދުއް ސުލްތޯން މުހައްމަދު ފަރީދުލް އައްވަލް
- މަސްޖިދުއް ޝަހީދު އަބްދުއްރަޙްމާން (ފަނޑިޔާރު މިސްކިތް)
- މަސްޖިދުއް ސުލްޠާން މުހައްމަދު ޝަމްސުއްދީން
- މަސްޖިދު ސޮލާހުއްދީން
- މަސްޖިދު ޖަލާލުއްދީން
- މަސްޖިދު އިބްރާހީމް (އިބްރާހީމީ މިސްކިތް)
- މަސްޖިދު އިސްކަންދަރު
- ވަގުތީ މިސްކިތް (ބޮޑުގެ)
- މަސްޖިދުއް ސުލްތޯން މުހައްމަދު ޢިމާދުއްދީން
- މަސްޖިދުއް ޝައިހު މުހައްމަދު ޖަމީލް ދީދީ
- މަސްޖިދު ޢަފީފުއްދީން
- ޒިޔާރަތް މިސްކިތްމަސްޖިދުލް ބިއްރި (ވިލިމާލެ)
- މަސްޖިދުއް ޝައިހު ގާސިމް ބިން މުހައްމަދު އާލް ސާނީ (ހުޅުމާލެ)
- މަސްޖިދު ރަޝީދު (ހުޅުމާލެ)
- މަސްޖިދު އަޒީޒާ މޫސާ (ހުޅުމާލެ)
- މަސްޖިދު އަސްދިގާ (ހުޅުމާލެ)
- މަސްޖިދު ހަސަން އާދަމް (ހުޅުމާލެ ފޭސް 2)
- މަސްޖިދު އަމީލް ޖަލީލް (ހުޅުމާލެ ފޭސް 2)
- މަސްޖިދު އުސްމާން ބިން އައްފާން (ހުޅުމާލެ ފޭސް 2)
ކުރިން އީދު ނަމާދު ފަށަނީ 7:30 ގައި ނަމަވެސް މިދިޔަ ފިތުރު އީދު ދުވަހުން ފެށިގެން ރާއްޖޭގައި އީދު ނަމާދު ފަށާ ގަޑިއަކީ ހެނދުނު 7:00 ގަ އެވެ.
