އޯ ލެވެލްގައި އިސްލާމް، ދިވެހި ހިސާބު އަދި އިނގިރޭސި މާއްދާ މަޖުބޫރު މާއްދާތަކަށް ހަދަން އަމިއްލަ އަދި އިންޓަނޭޝަލް ސްކޫލްތަކަށް އެޑިއުކޭޝަން މިނިސްޓްރީން އަންގައިފިއެވެ.
މިއަދު އެޑިއުކޭޝަން މިނިސްޓަރު ޑރ. އިސްމާއިލް ޝަފީއު ސޮއިކުރައްވައި ރާއްޖޭގެ އަމިއްލަ އަދި އިންޓަނޭޝަނަލް ސްކޫލަތަކަށް ފޮނުއްވި ސާކިއުލާއެއްގައި ބުނީ ރާއްޖޭގެ ސްކޫލްތަކުން ތައުލީމު ހާސިލުކޮށްގެން ނުކުންނަ ކޮންމެ ދަރިވަރަކީ ތައުލީ ގޮތުން ހާސިލުކުރަން ކަނޑައަޅާފައިވާ ވަކި މިންވަރެއް ހާސިލުކޮށްފައިވާ ދަރިވަރުންނަށް ވާން ޖެހޭ ކަމަށެވެ.
އެގޮތުން ގްރޭޑް 10 އޯލެވެލް އިމްތިހާނުތަކުގައި ބައިވެރިވާ ދިވެހި ކޮންމެ ދަރިވަރަކު އިސްލާމް، ދިވެހި، އިނގިރޭސި އަދި ހިސާބު މާއްދާގައި ބައިވެރިި ވާން ވާނެ ކަމަށެވެ.
2020 ވަނަ އަހަރުވެސް އެޑިއުކޭޝަން މިނިސްޓްރީން ވަނީ މިފަދަ ސާކިއުލާއެއް ނެރެފައެވެ. އެޑިއުކޭޝަން މިނިސްޓްރީން ބުނީ މިއަދު ނެރުނު ސާކިއުލާއަކީ 2020 ގައި ވެސް މިނިސްޓްރީން ނެރުނު ސާކިއުލާއަކުން ދީފައިވާ އިރުޝާދެއް ކަމަށެވެ.
ކޮންމެ ގްރޭޑެއްގައިވެސް މިމާއްދާތަކުން ފާސްވެ ގްރޭޑް ބަދަލުވަމުން ދެވޭގޮތަށް ހަމަޖެއްސީމާ ގްރޭޑް 10ގައި ކިޔަވަން ފަސޭހަވާނީ. ފުރަތަމަ ކުރަންޖެހޭ ކަންކަން ފަހުންކުރަން ނުޖައްސާ.