މާލޭގައި ހުންނަ ގެސްޓްހައުސެއްގެ ތެރޭގައި ނޭޕާލް މީހަކު ރަހީނުކޮށްގެން ގެންގުޅުނު މައްސަލާގައި ހައްޔަރުކުރި އެކަކު ދޫކޮށްލައިފިއެވެ.
ރޭ ފުލުހުން ބުނީ މާފަންނު އަވަށުގައި ހުންނަ ގެސްޓްހައުސެއްގައި ނޭޕާލްގެ ރައްޔިތަކު ބަންދުކޮށްގެން ގެންގުޅޭ ކަމުގެ މައުލޫމާތު ލިބުމުން، ފުލުހުން އެ މީހާ ހޯދާފައިވާ ކަމަށާއި، އެ ގެސްޓްހައުސްގައި ހަރަކާތްތެރިވަމުންދާ ކަމަށެވެ.
ރަހީނުކުރި މީހަކީ ފިރިހެނެއް ކަމަށާއި އެ މައްސަލައާ ގުޅިގެން ބަންގްލަދޭޝްގެ ދެ ފިރިހެނަކު ހައްޔަރުކޮށްފައިވާ ކަމަށް ފުލުހުން ވަނީ ބުނެފައެވެ.
ފުލުހުން މިއަދު ބުނީ މި ދެ މީހުންގެ ތެރެއިން އެކަކު ރޭގެ ވަގުތެއްގައި ދޫކޮށްލާފައިވާ ކަމަށާއި އަނެއް މީހާގެ ބަންދާމެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން 10 ދުވަހުގެ ބަންދުކުރުމަށް އަމުރުކޮށްފައިވާ ކަމަށެވެ.
ހުޅުމާލޭގެ ދެވަނަ ފިޔަވަހީގައި މީހުންނަށް ދަޅަދައްކައިގެން ގެންގޮސް ފޭރެމުންދާ މައްސަލަތަކެއް ވެސް ވަނީ ދާދިފަހުން ވަނީ ފެންމަތިވެފައެވެ. ފުލުހުން ވަނީ ކާކުކަން ނޭނގޭ މީހުން އެ ގޮތަށް ތަންތަނަށް ދާން އެދުނު ކަމުގައި ވިޔަސް ނުދިއުމަށް އިލްތިމާސްކޮށްފައެވެ.
