ކުލަ ހެދުމުގައި ތިބި ދެ ފުލުހަކަށް ބިރުދައްކައި މާރާމާރީ ހިންގިކަމުގެ ތުހުމަތުގައި ތިން މީހުން ހައްޔަރުކުރުމުގައި ފުލުހުން އަމަލުކުރި ގޮތް ބަލަމުން އަންނަކަމަށް ފުލުހުންގެ ސްޕޯކްސްޕަސަންގެ ޗީފް ސްޕްރިންޓެންޑެންޓް އޮފް ޕޮލިސް އަހްމަދު ޝިފާން ވިދާޅުވެއްޖެއެވެ.
ޝިފާން 'އެކްސް' ގައި ކުރެއްވި ޕޯސްޓެއްގައި ވިދާޅުވީ ފުލުހުން މިފަދަ ހާލަތްތަކުގައި ބާރުގެ ބޭނުންކުރިގޮތް އާއްމު އުސޫލެއްގެ ތެރެެއިން، ބަލާ ރިވިއު ކުރަމުން އަންނަކަމަށެވެ. އެގޮތުން މި ހާދިސާގައި ފުލުހުން އަމަލުކުރިގޮތް ބަލާ ފުލުހެއްގެ ފަރާތުން ބާރުގެ ބޭނުން ނަހަމަގޮތުގައި ބޭނުންކޮށްފައިވާނަމަ އެ ހާލަތެއް އިތުރު ތަހުގީގުކުރާނެކަމަށް ޝިފާން ވިދާޅުވިއެެވެ.
ކުލަ ހެދުމުގައި ތިބި ދެ ފުލުހަކަށް ވަޅިން ބިރުދައްކައި، މާރާމާރީ ހިންގި މައްސަލައަކާ ގުޅިގެން ދިވެހި ތިން ފިރިހެނުން ހައްޔަރުކޮށްފައިވާއިރު އެ މީހުންގެ ބަންދާ މެދު ގޮތެއް ނިންމުމަށް ކްރިމިނަލް ކޯޓަށް މިއަދު ހާޒިރުކުރުމުން، އެ ކޯޓުން ވަނީ ހަތް ދުވަހަށް ތިން މީހުން ބަންދުކުރުމަށް އަމުރުކޮށްފައެވެ.
ފުލުހުން ދަނީ އެ މައްސަލަ އިތުރަށް ތަހްގީގު ކުރަމުންނެވެ.
