ރޭ ކުރި ވިއްސާރާގައި ހއ. ދިއްދޫގެ 6 ގެއެއްގެ ފުރާޅު އެއްލާލައި، ބޮޑެތި ގެއްލުންތަކެއް ވެއްޖެއެވެ.
ދިއްދޫ ކައުންސިލުން ބުނީ ރޭ ކުރި ވިއްސާރައިގައި ދިއްދޫގެ ފުލެޓް ސަރަހައްދަށް ނަގޫ ރޯޅިއެއް އަރާ 6 ގެ އެއްގެ ފުރާޅުގެ ޓިނުތަށް އުކާލާފައިވާ ކަމަށެވެ. އަދި 6 ގެއެއްގެ ފުރާޅު އެއްލާލާފައި ވާއިރު، އެގެތަކުގެ ފުރާޅުތައް ރަނގަޅު ކުރުމުގެ މަސައްކަތް ދިއްދޫ ކައުންސިލުގެ އިސްނެގުމުގެ މަތިން ކުރަމުންދާ ކަމަށެވެ.
މި ހާދިސާގައި އެ ރަށުގެ މީހުން ދިރިއުޅެމުންދާ ވަރަށް ގިނަ ފްލެޓްތަކަށް ގެއްލުން ލިބިފައިވާ ކަމަށް ދިއްދޫ ކައުންސިލުން ބުނެއެވެ. އަދި ގެއްލުން ލިބުނު ކަމަށް މައުލޫމާތު ލިބިފައި ހުރި ފްލެޓްތަކުގައި ދިރިއުޅޭ ފަރާތްތަކަށް އެހީތެރިކަން ފޯރުކޮށްދެމުންދާ ކަމަށް ވެސް ކައުންސިލުން ވަނީ ބުނެފައެވެ.
ދިއްދޫ ކައުންސިލުން ބުނީ ނެޝަނަލް ޑިޒާސްޓާ މެނޭޖްމެންޓް އޮތޯރިޓީ (އެންޑީއެމްއޭ)އިން ކައުންސިލްއަށް ގުޅާފައިވާ ކަމަށާއި ގެއްލުން ލިބުނު ފަރާތްތަކަށް އޭގެ ބަދަލު ހޯދައިދިނުމަށް ކައުންސިލުން މަސައްކަތް ކުރާނެ ކަމަށެވެ. އަދި ކައުންސިލަށް ގުޅައި ފްލެޓްތަކަށް ލިބިފައި ހުރި ގެއްލުންތައް ހިއްސާ ކުރުމަށް ކައުންސިލުން ވަނީ އެދިފައެވެ.
އިތުރު ގެއަކަށް ގެއްލުންވެފައިވާ ނަމަ، ކައުންސިލަށް އެކަން ހިއްސާ ކުރުމަށް ވެސް ކައުންސިލުން ވަނީ އެދިފައެވެ. އަދި ކައުންސިލުގެ އެހީތެރިކަން ގެއްލުން ލިބުނު ހުރިހާ ފަރާތްތަކަށް ވެސް ލިބިގެންދާނެ ކަމުގެ ޔަގީންކަން ދިއްދޫ ކައުންސިލުން ވަނީ ދީފައެވެ.
