ކަލާފާނު ސުކޫލުގެ ދަރިވަރުންނަށް ވަން މީލް ތައްޔާރުކޮށްދޭނެ ފަރާތެއް ހޯދުމަށް އިއުލާނުކޮށްފިއެވެ.
މި އިއުލާނުގައި ވަނީ ވަން މީލް ދަރިވަރުންނަށް ފޯރުކޮށްދިނުމަށް ޝައުގުވެރިވާ ފަރާތްތަކުން މި ލިންކު މެދުވެރިކޮށް ރަޖިސްޓްރީ ވުމަށް ވަނީ އެދިފައެވެ. އަދި ބީލަން ހުށަހެޅޭނީ 5 މެއި އިން 9 މެއި އާ ދޭތެރޭ ރަޖިސްޓްރީ ކުރާ ފަރާތްތަކަށެވެ.
ވަން މީލްގެ ދަށުން ތައްޔާރު ކުރަން ޖެހޭ ތަކެތި:
- އާދިއްތަ - ޗީޒް ސޭންޑްވިޗް އަދި ޖޫސް ޕެކެޓެއް
- ހޯމަ - ޓޫނާ ސޭންޑްވިޗް އަދި ކުޑަ މިލްކް ޕެކެޓެއް
- އަންގާރަ - ރޮށި މަސްހުނި އަދި ކުޑަ ޖޫސް ޕެކެޓެއް
- ބުދަ - ފިޝް ބަން އަދި ކުޑަ މިލްކް ޕެކެޓެއް
- ބުރާސްފަތި - އެގް ސޭންޑްވިޗް އަދި ކުޑަ ޖޫސް ޕެކެޓެއް
ކޮންމެ ދުވަހެއްގެ ހެނދުނު 6:00 އަށް 95 ޕެކް ސާފުތާހިރުކަމާއެކު ތައްޔާރުކޮށް ގެނެސްދިނުމަށް އަންގާފައިވާއިރު ކޮންމެ ޕެކެއް ވަކި ވަކިން ޕެކް ކޮށްފައި ގެންދިއުމަށްވެސް ވަނީ އަންގާފައެވެ.
އިއުލާނުގައި އިތުރަށް ބުނެފައިވަނީ މިކަމާ ގުޅޭ ގޮތުން ސުވާލެއް އުފެދިއްޖެނަމަ 12 މެއި ގެ 14:00 ގެ ކުރިން ކަލާފާނުގެ ސުކޫލުގެ އީމެއިލް އަށް ލިޔުމަކުން ނުވަތަ 3328991 އަށް ގުޅުއްވުމަށެވެ. މި ބީލަމުގެ ބިޑް ހުށަހެޅުން ކުރިއަށް ދާނީ 19 މެއި ގެ 11:00 ގައި ކަލާފާނު ސުކޫލުގައެވެ.
