ގައުމީ ދާރުލްއާސާރުގައި ހުންނަ ގައުމީ ދިދަ ތިރިކުރަން އުޅެނިކޮށް އެ ތަނުގެ ސެކިއުރިޓީ މުވައްޒަފަކު ވެއްޓި ލިބުނު އަނިޔާތަކަށް އައިސީޔޫގައި ފަރުވާދޭން ފަށައިފިއެވެ.
މި ހާދިސާ ހިނގާފައިވަނީ އިއްޔެ އިރުއޮއްސި 6 ޖެހުމުން، ދިދަ ތިރިކުރަން މުވައްޒަފު ގޮނޑިއަކަށް އަރައިގެން އުޅެނިކޮށް ކައްސާލައިގެން ވެއްޓިއެވެ.
ހެރިޓޭޖް މިނިސްޓްރީގެ ޑިރެކްޓާ އޮފް ކޮމިއުނިކޭޝަން އިސްމާއިލް ނާއިލް ނަޝީދު ވިދާޅުވީ މި ހާދިސާގައި އަނިޔާވެފައިވަނީ ދާރުލްއާސާރުގެ އިމާރާތް ބަލަހައްޓަން އައުޓްސޯސްކޮށް ނަގާފައި ތިބޭ ސެކިއުރިޓީންގެ ބިދޭސީ މުވައްޒަފަކަށް ކަމަށެވެ.
ދާރުލްއާސާރުގެ ސެކިއުރިޓީ ބެލެހެއްޓުމަށް އަބަދުވެސް ޕޮލިހުން ތިބޭއިރު އެމީހާ ވެއްޓުމާއެކު ޕޮލިހުން ވަނީ އެ މީހާ ހޮސްޕިޓަލަށް ގެންގޮސްފައެވެ.
މި ހާދިސާ އާއި ގުޅިގެން ފުލުހުން ބުނީ އެ މީހާއަށް ލިބުނު އަނިޔާތަކަށް މިހާރު އައިޖީއެމްއެޗްގައި ފަރުވާދެމުން އަންނަކަމަށެވެ. އިތުރަށް ފުލުހުން ބުނީ މި ހާދިސާ އާއި ގުޅިގެން ފުލުހުން ބަލަން ޖެހޭ ކަންތައްތައް ބަލަމުން ދާ ކަމަށެވެ.
