ފުރުގާނު މިސްކިތުގައި އިއުތިކާފަށް އިން މީހަކު ހައްޔަރުކުރަން ފުލުހުން މަސައްކަތް ކޮށްފައި ނުވާކަމަށް ބުނެފިއެވެ.
ޝެއިހް އާދަމް ނިޝާން ސޯޝަލްމީޑިއާގައި ހިއްސާކުރެއްވި ޕޯސްޓެއްގައި، އުމުރުން 76 އަހަރުގެ ފިރިހެނަކު ވަނީ ފުލުހުން އޭނާ މިސްކިތުން ނެރެގެން ކާރަށް އަރުވައިގެން ގެންދަން އުޅުނު ގޮތުގެ ވާހަކަ ހިއްސާ ކޮށްފައެވެ. އެ މީހާ ބުނެފައި ވަނީ މިސްކިތުގައި އިއުތިކާފުގައި އިންނަން ވެގެން ނިދާފައި އޮއްވާ ހޭލެވުނީ ފުލުހުން އައިސް ގޮވަން ފެށުމުން ކަމަށެވެ. އަދި މިސްކިތުގައި ނިދުމަކީ މަނާކަމެއްކަމަށް ފުލުސް މީހާ ބުނެ އުމުރު އެހިކަމަށްވެސް މި ވާހަކަ ހިއްސާކުރި މީހާ ވަނީ ބުނެފައެވެ.
އިތުރަށް އެމީހާ ބުނީ ގެ ހުންނަ ހިސާބާއި އައިޑީކާޑު ނަންބަރު ފަދަ މައުލޫމާތު ހޯދުމަށްފަހު ފުލުހުން އޭނާ ގެންދަން މަސައްކަތްކުރި ކަމަށާ، އެހެންނަމަވެސް އިއުތިކާފުގައި އިނދެ ނުދާނެ ކަމަށް ބުނެ ދެކޮޅު ހެދިކަމަށެވެ.
ސޯޝަލް މީޑިއާގައި ދައުރުވަމުންދާ މި ވީޑިއޯ އާ ގުޅިގެން ފުލުހުން ބުނީ މިމަހުގެ 14 އަދި 15 ވަނަ ދުވަހުގެރޭ 12:00 ގެ ފަހުން ފުރުގާން މިސްކިތުގައި ބަޔަކު ނިދާފައި ތިބިކަމަށް ލިބުނު ރިޕޯޓާ ގުޅިގެން ފުލުހުން އެ މިސްކިތް ބަލާފައި ވާކަމަށެވެ. އެހެންނަމަވެސް މިސްކިތަށް ގޮސް ބެލިއިރު އެމީހުންނަކީ ދަމުނަމާދަށާއި އިއުތިކާފަށް މިސްކިތުގައި ތިބި ބައެއްކަން އެނގުނު ކަމަށެވެ.
އިތުރަށް ފުލުހުން ބުނީ މިސްކިތުގައި ތިބި އެއްވެސް މީހަކު ހައްޔަރުކޮށް ނުވަތަ ހައްޔަރުކުރަން މަސައްކަތް ކޮށްފައި ނުވާނެ ކަމަށެވެ.
ފުލުހުންނަކީ ހަމަ ހުދު ކާފޫރު. އެއްވެސް ކުށެއް ނުކުރާނެ. "ތިޔައީ ހަމަ ފަސްމީރު ކުރި ރުކެއް."
ދޮގުހަދާމީހެއް ކަމަށްގަބޫލް ކުރެވިއްޖެ މިސޭޚުއަކީ