މި ހިނގާ ދައުރުގައި ހިންގުމަށް ހަމަ ޖެހިފައިވާ މަޝްރޫއު ތަކަކީ "އިބިލީހުގެ ކައިވެނީ" ގެ ގޮތުގައި ސިފަކުރައްވާ، ކުރީގެ ބަންޑާރަ ނައިބު ދިޔާނާ ސައީދު ރައީސް އިބްރާހިމް މުހައްމަދު ސޯލިހް އަށް ވަރަށް ބޮޑަށް ފާޑުވިދާޅުވެއްޖެއެވެ.
އަންނަ ހޮނިހިރު ދުވަހު ބާއްވަން ހަމަޖެހިފައިވާ އެމްޑީޕީ ޕްރައިމަރީ ކެމްޕެއިންގައި ރައީސް ނަޝީދު އަށް ތާއީދު ކުރައްވައި އެމަނިކުފާނާއެކު ކެމްޕެއން ދަތުރުގައި މިހާރު އައްޑޫ ސިޓީގައި ހުންނަވާ އޭނާ މިހެން ވިދާޅުވަފައި ވަނީ، ސޯލިހުގެ ސިޔާސަތުތަކަށް ނިސްބަތް ކުރައްވައެވެ. އެގޮތުން ދިޔާނާ ވިދާޅުވީ "އަދި އެކަން ވެފައި ވަނީ ބިލާހެއްގެ ގޮތުގައި، އިބިލީހުގެ ކައިވެނީގެ ގޮތުގަ އަބަދުވެސް މާދަން މާދަން ކުރައްވަވާނެ ކަމެއް" ގެ ގޮތުގައެވެ.
މި މޭރުމުން ދިޔާނާގެ ވާހަކަތައް ނިސްބަތް ކުރައްވާފައި ވަނީ ސޯލިހްގެ ރިޔާސީ ވައުދު ތަކުގެ ތެރޭގައި ހިމެނޭ އައްޑޫ އަތޮޅުގައި 8000 ޓުއަރިސްޓް ބެޑް ގާއިމް ކުރައްވާ ވަޒީފާތައް އައްޑު އަތޮޅުގެ ރައްޔިތުންނަށް ހަމަޖައްސަައި ދެއްވަން ވައުދުވެވަޑަައިގެންނެވި ކަމަށާއި، ނަމަވެސް މިހާތަނަށް ވެސް އެކަން ކުރެވިފައި ނުވާ ކަމަށް ވިދާޅުވަމުންނެވެ.
ފާއިތުވި 40 އަހަރު ދުވަހު ވެސް އައްޑު އަތޮޅު ތަރައްގީވެފައި ނެތްކަން ފާހަގަކުރައްވާ އިތުރަށް ދިޔާނާ ވިދާޅުވީ އަސާސީ ހިދުމަތްތައް އޭރުވެސް އަދި މިހާރުވެސް އެންމެ އެކަށީގެންވާ މިންވަރަށް ލިބެމުން ނުދާ ކަމަށާއި އައްޑު އަކީ ބޮޑު އާބާދީއެއް އޮންނަ ރަށަކަށްވާއިރު އަސާސީ ހިދުމަތް ތަކުގެ ތެރެއިން ރަނގަޅު ތައުލީމާއި، ރަނގަޅު ސިއްހީ ހިތުމަތުގެ އިތުރުން ވަޒީފާގެ ފުރުސަތުތަކަކީ ވަރަށް ބޮޑަށް ބޭނުންޖެހިފައިވާ ކަންކަން ކަމަށެވެ. ނަމަވެސް މިކަން ކަމަށް އެދެވޭ ހައްލެއް ލިބިފައިނުވާކަމަށް ވިދާޅުވިއެވެ.
ރާއްޖެއަށް ކުރިއެރުން ލިބެން އޮތީ އިގްތިސާދީ ގޮތުން ކުރިއަށް ދެވިގެން ކަމަށާއި ނަމަވެސް އެފުރުސަތުތައް މިހާރު ވެރިކަމުގައި ހުންނެވި ސޯލިހު އަށް ގާއިމު ކޮށްދެވިފައި ނުވުމަކީ ދެރަކަވާމެއްކަން އޭނާ ފާހަގަ ކުރެއްވިއެވެ. އަދި ރިޔާސީ ދައުރު ނިމެން ކައިރިވެފައިވީ ނަމަވެސް ރައްޔިތުންނަށް ފައިދާ ކުރަނިވި ކަމެއް ނުކުރައްވާ ކަމަށާއި އޭގެ ބަދަލުގައި ރައްޔިތުންނަށް އިތުރު ތަކުލީފު ތަކެއް ދިނުމުގެ ގޮތުން ޖީއެސްޓީ ބޮޑުކޮށް ރައްޔިތުންގެ ޖީބަށް އިތުރު ބުރައެއް ދިން ކަމަށް ދިޔާނާ ވިދާޅުވެ ރައީސް ސޯލިހު އަށް ވަރަށް ބޮޑަށް ފާޑުވިދާޅުވިއެވެ.
ރައީސް ނަޝީދަށް ތާއީދު ކުރައްވަނީ އަމިއްލަ މަންފާއެއް އޮވެގެން ނޫން ކަމަށާއި ނަމަވެސް ދެމެހެއްޓެނިވި ގޮތެއްގައި ރައްޔިތުންނަށް ގިނަ ގުނަ މަސައްކަތްތަކެއް ކޮށްދެއްވާފައި ވާތީ ކަމަށް ދިޔާނާ ވިދާޅުވިއެވެ. އެގޮތުން އެކަނިވެރި މައިންނަށާއި، ނުކުޅެދޭ މީހުން އަދި 65 އަހަރުން މަތީގެ މީހުންނަށް ލިބޭ އެލަވެންސްގެ އިތުރުން ލޯކަލް ޓުއަރިޒަމް ތަރައްގީ ކުރުމަށް ނަޝީދު ކުރައްވާފައިވާ ބުރަ މަސައްކަތްތައް ދިޔާނާ ފާހަގަ ކުރައްވާފައިވެއެވެ.
އެމްޑީޕީ ޕްރައިމަރީގެ އެންމެ ފަހުގެ ތައްޔާރީތައް ފޯރިއާއެކު ކުރިއަށްދާ އިރު، ދިޔާނާގެ އިތުރުން (އެލްޖީއޭ)ގެ ސީއީއޯ އަފްޝަން ލަތީފު އާއި އެސްޓީއޯގެ މެނޭޖިން ޑިރެކްޓަރު ހުސައިން އަމްރު ވަނީ ރައީސް ނަޝީދުގެ ކޭމްޕެއިނާ ގުޅިވަޑައިގެންފައެވެ.
ޖާބިރު ދިޔާނާ ވަރިކުރުން މީގަ މައްސަލައަކީ. މިހާރު ހުސްތަ؟