ބ. ދަރަވަންދޫ ގޮނޑުދޮށް ހިމާޔަތް ކުރުމުގެ މަޝްރޫއުގެ މަސައްކަތް ބާރު ސްޕީޑުގައި ކުރިއަށްދާ ކަމަށް އެމްޓީސީސީއިން ބުނެފިއެވެ.
އެމްޓީސީސީއިން ބުނީ ދަރަވަންދޫ ގޮނޑުދޮށް ހިމާޔަތް ކުރުމުގެ މަޝްރޫއުގެ މަސައްކަތުގެ 77 ޕަސެންޓް ނިމިފައިވާ ކަމަށެވެ. އަދި ބޭރުތޮށިލުމުގެ މަސައްކަތް މިހާރު ނިމިފައިވާ ކަމަށާއި ބޮޑުހިލައިގެ ހަތަރު ވަނަ ޝިޕްމަންޓް ޕްރޮޖެކްޓް ސައިޓަށް ގެންދެވިފައިވާ ކަމަށް އެމްޓީސީސީއިން ބުނެއެވެ.
އެ މަޝްރޫއުގެ ދަށުން 10،800 ކިއުބިކް މީޓަރުގެ ވެލި ގޮނޑުދޮށަށް އެޅުމާއި 490 މީޓަރުގެ ސަރަޙައްދެއްގައި ބޭރުތޮށިލުމާއި 96 މީޓަރުގެ ސަރަހައްދެއްގައި ރިވެޓްމެންޓް ޖެހުމުގެ މަސައްކަތް ހިމެނެއެވެ.
އެ މަޝްރޫއު ކުރިއަށް ދަނީ ޕްލޭނިން މިނިސްޓްރީއިން 22.1 މިލިއަން ރުފިޔާއަށް އެމްޓީސީސީއާ ހަވާލުކޮށްގެންނެވެ.
ލާމު ކުނަހަންދޫގެ އިރު ދެކުނުންނާއި ހުޅަނގު އުތުރުން މީހުން ދުރިއުޅޭ ސަރަހައްދައް ލޮނުއަރާ ފެންބޭނުންނުކުރެވޭ ވަރައް ލޮނުވެ ގަސްތައް މަރުވާތާ 5 އަހަރުވީ. ކުނަހަންދޫ ރައްޔިތުންގެ ހާލުބަލާނެ އަޑުއަހާނެ މީހަކު ގައުމުގަ ނެތުމުގެ ސަބަބުން ސަކުވާ އަޑުއަހާނެ ފަރާތެއް ހޯދުމައް ބޭރުގެ ގައުމުތަކައް ފުރަން ތައްޔާރަށް.