ހުޅުމާލެ ފޭސް 2 އަށް އެމްޓީސީސީން އިތުރު 2 ބަސް ސްޓޮޕް ހަދައިފިއެވެ.
އެމްޓީސީސީން ބުނީ، އާރްޓީއެލް ގްރޭޓާ މާލެ ސަރަހައްދުގެ ބަސް ރޫޓްތަކަށް އިތުރު 2 ބަސް ހުއްޓިއެއް މާދަމާ އިން ފެށިގެން ބޭނުން ކުރުމަށް ހަމަޖެހިފައިވާ ކަމަށެވެ.
ބަސް ހުއްޓިތައް:
- ރޫޓް 6: ހުޅުމާލެ ފޭސް 2 - ހުޅުމާލެ ފޭސް 1
- ރޫޓް 7: ހުޅުމާލެ ފޭސް 2 - މާލެ (ވެސްޓްޕާކު)
- ރޫޓް 8: ހުޅުމާލެ ފޭސް 2 - މާލެ (ކާނިވަލް)
- ރޫޓް 9: ހުޅުމާލެ ފޭސް 2 - ވެލާނާ އިންޓަނޭޝަނަލް އެއާޕޯޓު
އިތުރު ކުރި ބަސް ބަސް ހުއްޓިތައް:
- މަސްޖިދުކް އަމީލް ޖަމީލް ބަސް ހުއްޓި – (ހުޅުމާލެ ފޭސް 2- ނިރޮޅު މަގު)
- ސްޓެލްކޯ ޕްލެޓް ބަސް ހުއްޓި – (ހުޅުމާލެ ފޭސް 2- ހިތިގަސް މަގު)
ހުޅުމާލެ ފޭސް 2 ގައި ރޭ ބޭއްވި ހަފުލާގައި އާ ބަސްތައް އިފްތިތާހު ކޮށްދެއްވީ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހެއެވެ. މި ބަދަލާއެކު ސެޕްޓެމްބަރު 30، 2021 ވަނަ ދުވަހު ހުޅުމާލެ ދެވަނަ ފިޔަވައްސަށް ތައާރަފު ކުރި ބަހުގެ ހިދުމަތް ފުޅާވެ، ގްރޭޓާ މާލެ ސަރަހައްދުގައި މިހާރު ދެމުންގެންދާ 6 ރޫޓުގެ ބަދަލުގައި 8 ރޫޓެއްގެ ހިދުމަތް ކަސްޓަމަރުންނަށް ލިބިގެންދާނެ ކަމަށް އެމްޓީސީސީން ބުނެއެވެ.
ރާއްޖޭގައި ދަތުރުފަތުރުގެ ހިދުމަތް ފޯރުކޮށްދޭ އެންމެ ބޮޑު ކުންފުނީގެ ހައިސިއްޔަތުން، އެމްޓީސީސީގެ މަގްސަދަކީ އެކަށީގެންވާ އަގުތަކެއްގައި ލުއިފަސޭހަ ކަމާއެކު ބޭނުން ކުރެވޭ، ކަނޑާއި އެއްގަމުގެ ދަތުރުފަތުރުގެ ހިދުމަތެއް ރައްޔިތުންނަށް ފޯރުކޮށް ދިނުމުގައި ދެމިތިބުން ކަމަށް އެކުންފުނިން ބުނެއެވެ.
