އަގުހެޔޮ ނަފްސާނީ ދުޅަހެޔޮކަމުގެ ފަރުވާއެއް ކަށަވަރުވެފައިވުމަކީ އެންމެންގެވެސް ހައްގެއް ކަމަށް ރައީސް އިބްރާހިމް މުހައްމަދު ސޯލިހު ވިދާޅުވެއްޖެއެވެ.
ރައީސް ސޯލިހު ވިދާޅުވީ މިއަދު ދުނިޔޭގެ ނަފްސާނީ ސިއްހަތުގެ ދުވަސް ފާހަގަކުރާއިރު ނަފްސާނީ ދުޅަހެޔޮކަމަށްދޭ ސަމާލުކަން އިތުރުކޮށް އެކަމާ ގުޅޭ ގޮތުން ހޭލުންތެރިކުރުވުމަކީ މުހިންމު ކަމެއް ކަމަށާއި އެއީ މުޅީ ދުނިޔެއިންވެސް އިސްކަން ދޭން ޖެހޭކަމެއް ކަމަށެވެ.
އަވަހަށް ލިބޭ އަދި އަގުހެޔޮ ނަފްސާނީ ދުޅަހެޔޮކަމުގެ ފަރުވާއެއް ކަށަވަރުވެފައި ވުމަކީ އެންމެންގެވެސް ހައްގެއް ކަމުގައި ރައީސް ވަނީ ވިދާޅުވެފައެވެ.
ނަފްސާނީ ބައްޔަށް ފަރުވާ ހޯދުމަށް ދަތިވުމާއި ހެޔޮއަގުގައި ފަރުވާ ހޯދަން ވަނީ އުނދަގޫވެފައެވެ. މިހާރުވެސް ނަފްސާނީ ބައްޔަށް ފަަރުވާ ހޯދުމަށް 565 މީހަކު ވަނީ އައިޖީއެމްއެޗްގައި ވެއިޓްލިސްޓްކޮށްފައެވެ.
