ތިޖޫރީ އެއް ވަގަށް ނެގި މައްސަލައެއްގައި ބަންދު ރެކޯޑު އޮތް މީހަކު 30 ދުވަހަށް ބަންދުކުރަން އަމުރުކޮށްފިއެވެ.
އެ މައްސަލައިގައި ބަންދުކޮށްފައި ވަނީ އުމުރުން 24 އަހަރުގެ ތ. ކިނބިދޫ / ފިތުރޯނުގެ، މުހައްމަދު އިލްހާމެވެ.
އިލްހާމްގެ ބަންދުގެ މުއްދަތު ޖަހާފައިވާ ކޯޓު އަމުރުގައިވާ ގޮތުން، އޭނާގެ މައްޗަށް ތުހުމަތު ކުރެވޭ މައްސަލައިގެ ހެކި ކޯޓަށް ލިބިފައިވާ ކަމަށް ވެއެވެ. އޭގެ ތެރޭގައި ހިމެނެނީ:
- ގެއްލުން ލިބުނު ފަރާތުގެ ބަޔާން
- ކްރައިމް ސީނަށް ދިޔަ ހެކިންގެ ބަޔާން
- ސީސީޓީވީ ފުޓޭޖު
ނަމަވެސް އެ ތުހުމަތުތަކަށް އިންކާރު ކޮށް އިލްހާމް ބުނީ، ސީސީޓީވީ ފުޓޭޖުން މީހާގެ އިސްތަށިގަނޑު ދިގު ކަމަށާއި، އޭނާގެ އިސްތަށިގަނޑު ކުރުމަށެވެ.
ވައްކަމާއި މަސްތުވާތަކެތީގެ މައްސަލަތަކުގައި އިލްހާމަކީ ބަންދު ރެކޯޑު ގިނަ މީހެކެވެ.
