މަޝްހޫރު ދީނީ އިލްމުވެރިޔާ، ޝައިޚް އާދަމް ނަސީމް (ބީއޭ ނަސީމް) ރޭ އަވަހާރަވެއްޖެއެވެ.
ކ. ތުލުސްދު އަށް ޝައިޚް ނަސީމް ރޭ ފަތިހު އަވަހާރަވީ، އުމުރުން ދުވަސްވެ ސިއްހީ ހާލުކޮޅު ދަށްވުމުގެ ސަބަބުން ހޮސްޕިޓަލްގައި ފަރުވާ ދެމުން ދަނިކޮށް، އުމުރުފުޅުން 83 އަހަރުގައެވެ.
މަދީނާ ޔުނިވާސިޓީން އެންމެ ފުރަތަމަ މަތީ ތައުލީމް ހާސިލްކުރެއްވި ބޭފުޅުންގެ ތެރޭގައި ހިމެނިވަޑައިގަންނަވާ ނަސީމަކީ އިނގިރޭސި ބަހުން ބީއޭ ފާހެއް ހޯއްދެވި އެންމެ ފުރަތަމަ ދިވެހިންގެ ތެރޭ ހިމެނިވަޑައިގަންނަވާ ބޭފުޅެކެވެ. ބީއޭގެ ލަގަބުން ނަސީމާ މުހާތަބު ކުރަނީ އެހެންވެއެވެ.
ކުރީގެ ރައީސް މައުމޫން އަބްދުލްގައްޔޫމްގެ ވެރިކަން ބަދަލުކުރަން އިސްކޮށް ހަރަކާތްތެރިވެ، އަދި އެއަށް ފަހު އެމްޑީޕީގެ އިސްލާމީ މަޝްވަރާ މަޖިލީހުގެ ރައީސްކަން ކުރެއްވި ނަމަވެސް، ކުރީގެ ރައީސް މުހައްމަދު ނަޝީދުގެ ވެރިކަމުގައި ހިނގައި ދިޔަ ކަންކަމާ މެދު ނުރުހުން ފާޅުކުރައްވައި 2011 ވަނަ އަހަރު އެމްޑީޕީން ވަކިވެ ވަޑައިގަތެވެ.
ޢިލްމުވެރިން ދުނިޔެއާ ވަކިވުމުން ނޫސްވެރިން ލިޔެފައިވާ ލިޔުންތަކުން ފެންނަނީ އެފަރާތްތައް ދެވަނަ ދަރަޖައަށް ތިރިކޮށް ލިޔެފައިވާ ތަން ކާފަރަކުނަމަ އަވަހާރަވީ ނޫސްވެރިން ވެސް މިކަަމަށް ވިސްނާލުން ކިހާރަގަޅުވާނެތޯއެވެ.