އިނގިރޭސިވިލާތުގެ ރާނީ އެލިޒަބަރު 2 އަވަހާރަވުމާ ގުޅިގެން، އޭނާގެ ދަރިކަލުން ޕްރިންސް ޗާލްސް ރަސްކަލަކަށް ބަދަލުވުމުން، ޕްރިންސް ވިލިއަމަށް ވާރުތަވި މުދަލުގެ އަގު 1.4 ބިލިއަން ޑޮލަރަށް އަރައެވެ.

ރާނީގެ ދުނިޔޭގައި ޕްރިންސް ޗާލްސް ހުންނެވި މަގާމު މިހާރު އޮޓޮމެޓިކުން ލިބިފައި ވަނީ ޗާލްސްގެ ދޮށީ ދަރިކަލުން ޕްރިންސް ވިލިއަމް އަށެވެ. އޭނާ އަކީ މިހާރު ޕްރިންސް އޮފް ވޭލްސްގެ އިތުރުން ޑިއުކް އޮފް ކޯންވެލް އެވެ. އެ މަގާމާއެކު ވިލިއަމް އަށް 128،000 އޭކަރު (52،000 ހެކްޓަރު) ގެ ބޮޑު ޑަޗީ އޮފް ކޯންވެލްވެސް ވަނީ ލިބިވަޑައިގެންފައެވެ. ޑަޗީ އޮފް ކޯންވެލްގެ ދަށުގައި އިނގިރޭސި ވިލާތުގެ 20 ކައުންޓީއެއްގައި ބިން އޮވެއެވެ. އޭގެ ތެރޭގައި ދަނޑުބިންތަކާއި، ގެ ތަކަކާއި މައިން ތަކާއި، ލަންޑަންގައި ހުންނަ އޯވަލް ކްރިކެޓް ދަނޑުވެސް ހިމެނެއެވެ. ބިންތައް ހުންނަ ކައުންޓީ ތަކުގެ ތެރޭގައި ޑެވޯން، ކެންޓް، ޑޯސެޓް، ކާމަތެންޝައާ އަދި ނޮޓިންހަމްޝައާ ވެސް ހިމެނެއެވެ. މީގެ އިތުރުން ޖަންގަލިތަކާއި ކޯރުތަކާއި ބަނދަރުތައްވެސް ހިމެނެއެވެ. މީގެ އިތުރުން ޑާޓްމޯ ނެޗުރަލް ޕާކާއި ޑާޓްމޯ ޕްރިޒަން (ޖަލު) އަކީވެސް ވިލިއަމްގެ މިލްކިއްޔާތުގައި ހިމެނޭ ތަންތަނަށް ވެފައި ވާއިރު، ވިލިއަމްއަށް ވާރުތަވި ބިންތަކުން އުފައްދާ އެކިއެކި ތައްޔާރީ ކާނާއާއި، ތަރުކާރީ، ޗީޒް، ސީރިއަލް އަދި މީރުވަސް ސުވާ އެކި ބާވަތްތަކުގެ އުފެއްދުންތަކުންވެސް ވިލިއަމް އަށް މިހާރު އާމްދަނީ ލިބޭނެެވެ.

މިހުރިހާ މިލްކިއްޔާތެއްގެ އަގުމަގު ކުރީމައި ގާތްގަނޑަކަށް 1 ބިލިއަން ޕައުންޑް ނުވަތަ 1.4 ބިލިއަން ޑޮލަރަށް އަރާކަށް ދަ ގާޑިއަންގައި ބުނެފައި ވެއެވެ.

ވިލިއަމް އާ ހިލާފަށް ޝާހީ މަގާމުތަކުން އަމިއްލައަށް ދުރުވެވަޑައިގެންނެވި އޭނާގެ ކޮއްކޯފުޅު ހެރީ އަށް ލިބިވަޑައިގަތީ ރާނީ އުފައްދަވާފައި އޮތް ޓްރަސްޓް ފަންޑަކުން 17 މިލިއަން ޑޮލަރާއި، ހެރީގެ މަންމާފުޅު ޕްރިންސެސް ޑަޔާނާގެ މިލްކިއްޔާތުން ވާރުތަވި 10 މިލިއަން ޑޮލަރެވެ. ނަމަވެސް އޭނާ މަގާމުތައް ދޫކޮށްލެއްވުމުގެ ކުރިން ހެރީގެ މިލްކިއްޔާތުގައިވެސް 40 މިލިއަން ޑޮލަރު ހުރި ކަމަށް ސެލެބްރިޓީނެޓްވޯތުގައި ރިޕޯޓުކޮށްފައި ވެެއެވެ.

ޕްރިންސް ހެރީ، ޝާހީ މަގާމުތައް ދޫކޮށްލެއްވުމުން، އެ އާމްދަނީއެއް މިހާރު ލިބިވަޑައެއް ނުގަންނަވާނެއެވެ.

https://thepress.mv/138125

އިނގިރޭސިވިލާތުގައި ދިގު ދެމިގެން އަންނަ ރަސްކަމަކީ، އެ ރަސްކަމުގެ ދަށުގައި ދުނިޔޭގެ އެތައް ގައުމުތަކެއް މިހާރުވެސް އޮތް ރަސްކަމެކެވެ. އެގޮތުން، އެންޓިގުއާ އެންޑް ބާބުޑާ، އޮސްޓްރޭލިއާ، ބަހާމާސް، ބެލީޒް، ކެނެޑާ، ގްރެނާޑާ، ޖެމެއިކާ، ނިއުޒީލަންޑް، ޕަޕާ ނިއުގިނީ، ސެއިންޓް ކިޓްސް އެންޑް ނެވިސް، ސެއިންޓް ލޫސިއާ، ސެއިންޓް ވިންސެންޓް އެންޑް ދަ ގްރެނާޑިއަންސް، ސޮލޮމޮން އައިލޭންޑްސް އަދި ޓްވާލޫ އަކީ އަދިވެސް އޭގެ ތެރޭގައި ހިމެނެއެވެ.

އިނގިރޭސިން ދުނިޔެ އިސްތިއުމާރު ކޮށްގެން އުޅުނު ދުވަސްވަރު ދިވެހިރާއްޖެ އަކީވެސް ޖިޒީ (ޓެކްސް) ދައްކައިގެން އުޅުނު ގައުމެކެވެ. އިނގިރޭސީންގެ އިސްތިއުމާރުގެ ދަށުން ރާއްޖެ މިނިވަން ވީ އޭރުގެ ބޮޑުވަޒީރު އިބްރާހިމް ނާސިރުގެ ޒައާމަތުގައެވެ. އޭރު ރާއްޖެއިން އިނގިރޭސީންނަށް ޖިރީ ދައްކާތާ 77 އަހަރު ވެއްޖެއެވެ.

ހަބަރު އިނގިރޭސިވިލާތް ދުނިޔެ