ރައީސް އިބްރާހީމް މުހައްމަދު ސޯލިހު ބަދުއަހުލާގީ އަމަލު ހިންގަވާ ފޮޓޯތަކެއް ހުރި ކަމަށް ވިދާޅުވެ، ރައްޔިތުންގެ މަޖިލީހުގެ ރައީސް މުހައްމަދު ނަޝީދު ކުރެއްވި ތުހުމަތުތަކާ ގުޅިގެން ނޫސްވެރިން ކުރިމަތިކުރި ސުވާލުތައް އޮއްބާލައްވައި އެއީ ޖޯކަކަށް ހައްދަވައިފިއެވެ.
މިދިޔަ މަހުގެ 29 ގައި އިނގިރޭސިވިލާތުގައި ހުންނަވައި އެމްޑީޕީގެ ވަޓްސްއަޕް ގްރޫޕަށް ފޮނުއްވި މެސެޖުތަކެއްގައި ނަޝީދު ވިދާޅުވީ ރައީސް އަރިހުގައި ސުވާލެއް އައްސަވަން އެބައޮތް ކަމަށެވެ. ނަޝީދު އެއްސެވީ ބަރަހަނާ މަންޒަރުތައް ހުރި އެންމެން ހިމާޔަތްކޮށް، ނާޒިމް އަބްދުއްސައްތާރު އެކަނި ހައްޔަރުކުރީ ކީއްވެތޯއެވެ.
އޭގެ ފަހުގައި، ރައީސް ބަދުއަހުލާގީ އަމަލު ހިންގާ ފޮޓޯތަކެއް ހުރި ކަމަށް ވިދާޅުވެ، އެ ފޮޓޯތައް ފޮނުވަންވީތޯ ސުވާލު ކުރެއްވިއެވެ. އެމަނިކުފާނު އަތްޕުޅުގައި، އަދި ރައީސް އަންހެން ކުއްޖަކާ އެކު ބަދުއަހުލާގީ އަމަލު ހިންގާ ހަތަރު ފޮޓޮއެއް އޮތް ކަމަށް ވެސް ވިދާޅުވިއެވެ. ނަޝީދު ވިދާޅުވި ގޮތުގައި އެ ފޮޓޯތަކުން ފެންނަ އަންހެން ކުއްޖާ އަކީ އާއިލީ ގޮތުން އެކުވެރި ބޭފުޅެއްގެ ދަރިއެކެވެ. އަދި އޭނާގެ ހާލާ މެދު ކަންބޮޑުވެވަޑައިގަންނަވާ ކަމުގައި ވެސް ވިދާޅުވިއެވެ.
ނަމަވެސް މިއަދު އެމްޑީޕީގެ އޮފީހުގައި ބޭއްވި ނޫސްވެރިންގެ ބައްދަލުވުމުގައި ނޫސްވެރިން އެކަމާ ގުޅިގެން ސުވާލުކުރުމުން ނަޝީދު ވަނީ ސުވާލުތަކަށް ޖަވާބު ދެއްވުމަށް ދެކޮޅު ހައްދަވައި ވާހަކަ އަނބުރާލައްވައިފައެވެ. އެމަނިކުފާނު ވިދާޅުވީ، ނޫސްވެރިންނާ ބައްދަލުކުރެއްވީ ވެރިކަމުގެ ނިޒާމު ބަރުލަމާނީ ނިޒާމަށް ބަދަލުކުރަން ބޭނުންފުޅުވާ ވާހަކަ ދައްކަވަން ކަމަށެވެ.
އެކަމަކު ނޫސްވެރިން ތަކުރާރުކޮށް ސުވާލުކުރުމުން ނަޝީދު ވިދާޅުވި ގޮތުގައި، އެ ދުވަހު އެ ވާހަކަ ދެއްކެވީ ބަޔަކު ރާވައިގެން ބަރަހަނާ މަންޒަރުތައް ހަދައި އެ ތަކެތި ބޭނުންކޮށްގެން ބައެއް އާންމުންގެ އަތުން ފައިސާ ނަގަމުންދާ ވާހަކަ ވަޓްސްއަޕް ގްރޫޕްގައި ދެއްކުމުންނެވެ. އެ ވާހަކަ ދެއްކެވީ އެ ބާވަތުގެ މައްސަލަތަކުގައި ހަމަހަމަކޮށް އަމަލުކުރަން ޖެހޭނެ ކަމަށް ދެންނެވުމުގެ ގޮތުން ކަމަށް ވިދާޅުވެ، ނަޝީދު ވަނީ ކުރެއްވި މެސެޖުތައް ދިފާއުކުރައްވާފައެވެ.
"މިމައުޟޫގައި އަޅުގަނޑު ތިޔަބޭފުޅުންނާ މިއަދު ދައްކާނެ އިތުރު ވާހަކައެއް ދެން ނެތް،" ނަޝީދު ވިދާޅުވިއެވެ.
އެ ވާހަކަ އިތުރަށް ބަދަލުކޮށްލުމުގެ ގޮތުން ނަޝީދު ވިދާޅުވީ، ރައީސް އަތްޕުޅުގައި ވެސް އެމަނިކުފާނުގެ (ނަޝީދުގެ) ފޮޓޯތައް ހުންނާނެ ކަމަށެވެ. އަދި ގިނަ ފޮޓޯތައް ހުރީ ޕްރިންޓްކޮށްފައި ކަމަށް ވެސް ވިދާޅުވިއެވެ.
ރައީސް، ބަދުއަހުލާގީ އަމަލު ހިންގަވާ ފޮޓޯ ހުރި ކަމަށް ވިދާޅުވެ ނަޝީދު މެސެޖު ކުރެއްވީ، އެމަނިކުފާނުގެ ކޮއްކޮ ނާޒިމް އަބްދުއްސައްތާރު އެއްޖިންސުން ގުޅުންހިންގި މައްސަލައިގައި ތުހުމަތު ކޮށް ހައްޔަރުކުރުމާ ގުޅިގެންނެވެ. ނަޝީދުގެ ތުހުމަތުތައް ރައީސް އޮފީހުން ދޮގުކުރިއިރު، ދާދިފަހުން ނާޒިމް ވަނީ ދޫކޮށްލާފައެވެ.
ޢެއްރައީސް 4 ގަޑި އިރެއްހާއިރު ނޫސްވެރިންގެ ކަރު ދޮއްވަދިން އިރު އަނެއް ރައީސް 4 ގަނޑު ފޮޓޯގަ ޖެހުނު ގޮތައް ކުރިއަށް ނުދެވިފަ. ހަހަ ހާ ވާ ވާ.
ދީނަށް ލޯބިކުރާ ބައެއް މީހުން ނުރުހޭ ގޮތަށް ވަރަށް ގިނައިން ޓްވީޓް ކުރާ، ކުރީގެ މަޖުލިސް މެބަރެއް ކަމުގައިވާ އިބްރާހިމް އިސްމާއިލް (ބޯގަންވިލާ އިބްރާ) މިދިޔަ އާދީއްތަ ދުވަހު ކުރި ޓްވީޓެކެވެ. ލިއެފައި އޮތެވެ: "ޒިނޭއާއި ލިވާތަކީ ކުށެއް. އެކުށަކީ ދެ މީހަކު ނުވަތަ އެއަށްވުރެ ގިނަ މީހުން ރުހުމުގައި، އެކަހެރި ވެގެން ތިބެ ކުރި ކަމެއް. އެކަމުން އެހެން މީހެއްގެ ފުރާނައަށް، ޖިސްމަށް، މުދަލަށް ނުރައްކަލެއް ނެތް. އެހެން މީހެއްގެ މިނިވަން ކަމަށް ހުރަހެއް ނޭޅޭ!" އިބުރާގެ މި ޓްވީޓްގެ މަޤްސަދަކީ އެއްޖިންސުން ގުޅުން ހިންގިކަމުގެ ތުހުމަތުގައި ހައްޔަރު ކުރެވުނު ބައެއް މީހުން ތަހުގީގް މަރުހަލާގައި ބަންދުގައި ބައިތިއްބަން ނުޖެހޭނެކަން ދެއްކުމެވެ. އެހެނަސް ޔޯގާގެ ޝިރުކު ހުއްޓުވަން (މުންކަރާތް ނަހީ ކުރަން) ނިކުތް މީހުންނަކީ ނިރުބަވެރިން ކަމަށާއި އެމީހުން ތަހްޤީގް މަރުހަލާގައި ވެސް ތިބެން ޖެހޭނީ ޖަލުގައި ކަމަށް އިބުރާ ވަކާލާތު ކުރެއެވެ. އިބުރާގެ މި ޓްވީޓްގައި ބައިވަރު މައްސަލަ އެބަހުއްޓްވެ. ޒިނޭ އާއި ލިވާތަކީ ކުށެކޭ ކިޔާފަ ދެން ކޮންމެ އެއްޗެކޭ ލިއުނަސް ވަރިހަމަ އުސޫލު ޤަބޫލެއް ނުކުރެވޭނެއެވެ. އިބުރާ މަސައްކަތް ކޮށްފައި ވަނީ ޒިނޭ އާއި ލިވާތަކީ ކުށަކަށް ވިއަސް އެއީ ދެމީހަކު ނުވަތަ އެއަށްވުރެ ގިނަ މީހުން އެކަހެރިވެ ތިބެ، އެެހެން ބަޔަކަށް އުނދަގުލެއް ނުޖައްސާ ކުރާ ޒާތީ ކަމެއްގެ ގޮތުގައި ދައްކާށެވެ. ނަމަވެސް އިސްލާމްދީނުގައި ކަނޑައެޅިގެން ހަރާމް ކުރައްވައި، ކީރިތި ޤުރުއާނުގައި ސަރީޙަ ބަސްފުޅުން ނަހީ ކުރައްވާފައިވާ ބޮޑު ފާފަ އަކީ އެހާ ލުއި ގޮތަކަށް ސިފަ ކުރެވޭނެ ކަމެއް ނޫނެވެ. އެހެން އިންސާނެއްގެ ހައްޤަކަށް ނާރައި އެކަހެރިވެ ތިބެ ކުރާ ކޮންމެ ކުށަކީ އާދައިގެ ކަމަކަށް ވާނަމަ ޝިރުކު ކުރުމަށް ބަލައިލަމާ ހިނގާށެވެ. ޝިރުކު ކުރަނީ އެކަކު އެކަނި ހުރެ، އެހެން މީހަކަށް އުނދަގުލެއް ނުޖައްސައެވެ. ހިތުން އެކަނި ވެސް ޝިރުކު ކުރެވިދާނެއެވެ. ނަމަވެސް ﷲ ގެ ހަލުރަތުގައި އެންމެ ބޮޑު ކުށަކީ، އެންމެ ބޮޑު ފާފަ އަކީ ޝިރުކު ކުރުން ކަން ކީރިތި ޤުރުއާނާއި ސުންނަތުން ސާފުވެ ސާބިތު ވެއެވެ. ޝިރުކު މަތީ ހުރެ މަރުވެއްޖެ މީހަކު ކިތައްމެ ނަމާދެއް ކުރިއަސް، ކިތައްމެ ފައިސާއެއް ފަގީރުންނަށް ބެއްސަސް ވާނީ ނަރަކަވަންތަ ވެރީންގެ ތެރެއިންކަން އެގެއެވެ. އިބުރާގެ ލޮޖިކުން ބަލާނަމަ ޝިރުކު ކުރާ މީހާވެސް ހުންނަން ޖެހޭނީ ދޫކޮށްލާފައެވެ. އިބުރާމެން ކަހަލަ "ޒަމާނީ" މީހުންގެ ނަޒަރުގައި އެންމެ އަގުބޮޑު އެއްޗަކީ އިންސާނީ ހައްޤެވެ. އެންމެ އަތްމަތީ ބަހަކީ ނިރުބަވެރި ކަމެވެ.
ބޮޑު ކައްޒާބު. ބޮޑު މުނާފިޤް. އަވަހަށް ހައްޔަރު،ކުރޭ. މަޤާމުން ވަކި ކުރޭ.