ރައީސް އޮފީހުގެ ކޮމިއުނިކޭޝަން ޑިޕާޓްމަންޓުގެ ހެޑަށް، އަންޑާސެކްރެޓަރީ މުހައްމަދު ހިސާން އަލީ ފަހްމީ ހަމަޖައްސައިފިއެވެ.
އެ އޮފީހުގެ ހެޑުގެ ގޮތުގައި މިހާތަނަށް މަސައްކަތް ކުރައްވަމުން ގެންދެވީ ފޮރިން ރިލޭޝަން ޑިޕާޓްމަންޓުގެ ހެޑް އިބްރާހީމް ހޫދެވެ. އެ މަގާމަށް ހޫދު ހަމަޖައްސާފައި ވަނީ 2018 ގައެވެ
މިއަދު ރައީސް އޮފީހުގެ މީޑިއާ ގްރޫޕަށް ފޮނުވި މެސެޖެއްގައި ހޫދު ވިދާޅުވީ، އެ އޮފީހުގެ ކޮމިއުނިކޭޝަން ޑިޕާޓްމަންޓްގެ ހެޑްގެ ގޮތުގައި މަސައްކަތްކުރައްވާނީ ހިސާން ކަމަށެވެ.
އޮސްޓްރޭލިއާގެ ވިކްޓޯރިއާ ޔުނިވާސިޓީން މާކެޓިން އެންޑް އިންޓަނޭޝަނަލް ބިޒްނަސްގެ ދާއިރާއިން ތައުލީމް ހާސިލްކުރެއްވި ހިސާން މީގެ ކުރިން މުވާސަލާތީ ކުންފުނި ދިރާގުގެ މާކެޓިން ޑިޕާޓްމަންޓްގައި މަސައްކަތް ކުރައްވާފައިވާއިރު، އޭނާ ރައީސް އޮފީހާ ގުޅިވަޑައިގަތީ 2019 ގައެވެ.
ފޮރިން ރިލޭޝަން ޑިޕާޓްމަންޓްގެ ހެޑުގެ ގޮތުގައި މިހާރު ހުންނެވި ހޫދު ވަނީ މީގެ ކުރިން ރައީސް އޮފީހުގެ ތަރުޖަމާނު ކަން ވެސް ކުރައްވައިފައެވެ.
ރައީސް އޮފީހުގެ މިހާރުގެ ތަރުޖަމާނަކީ މުހައްމަދު މަބްރޫކް އަޒީޒެވެ.
