ގެންދާނީ ސްޓްރެޗާއެއްގައި ކަމަށާއި، އަދި ގެންދާނީ ތިމަންނަމެންގެ (ފުލުހުންގެ) އަތް މައްޗަށް ކަމަށާއި، ހޭއަރުވާލާނެ ކަމަށް ބުނެ ފުލުހަކު އިންޒާރުދީ ހަޑިހުތުރު ބަހުން ވާހަކަ ދެއްކި ކަމަށް، މުހައްމަދު ޝިހާމް (35އ) ބުނެފިއެވެ.
ސޯޝަލް މީޑިއާގައި އާންމުވި ބައެއް މަންޒަރުތަކުން ފެނުނު ގޮތުގައި، ދިއްފުށީގެ އާންމުން، ޝިހާމް ގަން ހިންގުވައި، އޮރިޔާންކޮށް، އޭނާ އަށް އެކިވަރުގެ އަނިޔާ ދީފައި ވެއެވެ. އެ މީހުން ޝިހާމަށް އަނިޔާކުރުމުގެ ކުރިން ތުހުމަތުކޮށްފައި ވަނީ 14 އަހަރުގެ ކުޑަކުއްޖަކާ އޭނާ ބެހުނު ކަމަށެވެ. ޝިހާމް ރޮމުން ކިޔައިދިން ގޮތުގައި، އެ ތުހުމަތުގައި އޭނާގެ ގައިގައި ތަޅައިގަތީ ފިހާރައެއްގެ ތެރޭގައި ހުއްޓައެވެ.
"އަހަރެން އެހީ ކިހިނެއް ވެގެންހޭ ތިއުޅެނީ. އެމީހުން ބުނީ ކީއް ކޮށްފަހޭ ތިޔައީ. އަހަރެން ބުނިން ކަމެއް ނުކުރަމޭ. އެމީހުން ބުނީ ކަލޭ ތިހުރީ ކުޑަކުއްޖަކާ ބެހިފައޭ. އަހަރެން ބުނިން އަހަރެން އެއްވެސް ކުއްޖަކާ ނުބެހެމޭ. ބުނީމާ ބުނީ ނޫނެކޭ އެކުއްޖާވެސް ބުންޏޭ އަހަންނޭ ބެހުނީ. ދެން އެހެން ހަމަ މަގުމައްޗަށް ނެރުނީ. ނެރެ ހަމަ ތަޅަން ފެށީ ތަޅަން ފެށީ." ވީޑިއޯގައި ރޮމުން އޭނާ ބުނެއެވެ.
އެވަގުތު އޭގެ ތެރޭގައި ހިމެނޭ މީހުން ތިބީ އޭނާ ވަށާލާފައި ކަމަށާއި، ހޮސްޕިޓަލަށް ގެންދިޔައިރު ވެސް އަނިޔާކުރަމުން ދިޔަ ކަމަށް އޭނާ ބުންޏެވެ. އަދި ހޮސްޕިޓަލަށް ވެއްދުމަށް ފަހު، އެކަން ކުރި ކަމަށް އެއްބަސްވާން ބުނުމުން، އެކަން ނުކުރާ ކަމަށާއި، އަދި ނުކުރާ ކަމަކަށް އެއްބަސް ނުވާނެ ކަމަށް ބުނުމުން، އޭނާ މަރާލާނެ ކަމުގެ އިންޒާރު ދިން ކަމަށް ވެސް ޝިހާމް ކިޔައިދިނެވެ.
އެކަން ކުރީ އޭނާގެ އަނބިމީހާގެ ކުރީގެ ފިރިމީހާގެ އާއިލާއިން ކަމަށް ޝިހާމް ބުންޏެވެ.
އެހެން ބުނި ފަހުން ވެސް ތަކުރާރުކޮށް، ހޮސްޕިޓަލުން އޭނާ ބޭރަށް ނެރެ، އޭނާގެ ގަައިގެ އެތަން މިތަނުގައި ތެޅި ކަމަށް ބުންޏެވެ. އޭނާ ބުނި ގޮތުގައި، އެތަނުގައި ޑޮކްޓަރުން ތިބިއިރު، އޭނާ އަށް ދޭނެ ފަރުވާއަކާ މެދު އެމީހުން ނުވިސްނިއެވެ.
އެވަގުތު އެތަނުގައި ތިބި ފުލުހުންގެ ތެރެއިން، ސާޖަންޓްގެ ރޭންކެއްގައި ހުރި ފުލުހަކު އޭނާ އަށް ހަޑިހުތުރު ބަހުން މުއާމަލާތްކޮށް، ހޭއަރުވާލާނެ ކަމަށް ބުނި ކަމަށް ވެސް ޝިހާމް ކިޔައިދިނެވެ.
"މި ބުނާ ސާޖަންޓު ބުނީ، ކަލޭ ހީނުކުރައްޗޭ ތިހެން ބޭނުންހާ ގޮތެއް ހެދޭނެއޭ، ތިމަންނަމެންގެ ހިސާބޭ މީ ތިމަންނަމެންގެ ސަރަހައްދޭ މީ، މި ރަށުން ކަލޭ ދާނީ ސްޓްރެޗާއެއްގައޭ، އެގޮތަށް އެގޮތަށް އެރަށުން ގެންދިޔައީ ވެސް. އޭނަ ބުނި ސްޓްރެޗާގަ ދާނީ ވެސް ތިމަންނަމެންގެ އަތްދަށަށޭ. ހޭ އަރުވާލާނަމޭ." ޝިހާމް ބުންޏެވެ.
އެއަށްފަހު، އޭނާ އެ ކުއްޖާ އާ ބެހުނު ކަމަށް އެއްބަސްވެއްޖެ ކަމަށް ބުނެ، އޭނާއަށް އަނިޔާ ކުރި މީހުން ހޮސްޕިޓަލް ބޭރުގައި އެއްވެފައި ތިބި ރަށުގެ ރައްޔިތުންނަށް ދޮގު ހެދި ކަމަށް އޭނާ ބުންޏެވެ.
އޭނާ އަށް ހުއްޓާނުލާ ދެ ތިން ގަޑިއިރު ވަންދެން އަނިޔާ ކުރުމަށް ފަހު އަނިޔާކުރުން ހުއްޓާލީ އޭނާ މަރުވެދާނެ ކަމަށް އެތާ ހުރި މީހަކު ބުނުމުން ކަމަށާއި، އޭނައަށް ފަރުވާ ދޭން ފެށީ އޭގެ ފަހުން ކަމުގައި ވެސް ޝިހާމް ބުންޏެވެ.
އަދި ހަމަނުޖެހުން ކޮންޓްރޯލް ކުރީ މާލެއިން ދިޔަ ފުލުހުންގެ ޓީމަކުންނެވެ. ނަމަވެސް އެޓީމާ ބައެއް މީހުން ކުރިމަތި ލުމުގެ ސަބަބުން، ފުލުހުންނަށް އަނިޔާވެ އެމައްސަލަ މިހާރު ބަލަމުން އެބަދެއެވެ. އަދި ފުލުހުންނަށް ހަމަލާ ދިން މަައްސަލައިގައި މިހާރު މީހަކު ވަނީ ހައްޔަރުވެސް ކޮށްފައެވެ.
ހަމަ އެއާއެކު، ޝިހާމަށް ރައްކާތެރިކަން ފޯރުކޮށްދިނުމުގައި ހަރަކާތްތެރިވި ފުލުހުންގެ ޓީމުގެ ތެރޭގައި ހިމެނޭ ފުލުހަކު، އޭނާގެ ދައުރު އަދާ ކުރުމުގައި އިހުމާލުވެ، އަހުލާގީ މިންގަނޑުން ބޭރުން އަމަލުތައް ބަހައްޓާފައިވާ ކަމަށް ތުހުމަތުކޮށްފައި ވާތީ، އެކަމާ ގުޅިގެން ފުލުހުންގެ ޕްރޮފެޝަނަލް ސްޓޭންޑާޑްސް ކޮމާންޑުން އެ ފުލުހުގެ މައްސަލަ ބަލަމުންދާ ކަމަށް ވެސް ފުލުހުން ބުންޏެވެ.
ކޮބާ ހެލްތު ސެންޓަރުގެ ވެރިން، އެތަނުގެ އެތެރޭގައި ތިހިންގި ޖަރީމާވެސް ބެލެންޖެހޭނެ. ރަށުގެ ވެރިން މިކަމަށް ޖަވާބުދާރީވާން ޖެހޭނެ.
ދަޕްރެސް އިން ތިކުރަނީ ރަނގަޅު ކަމެއްނޫން ކުޑަ ކުއްޖެއް ރޭޕް ކުރި މީހަކައް ތި ވާގި ދެނީ އެފަދަ ކަމެއް ދެވަނަ ފަހަރައް ކުރަން. އެކަން ހުއްޓުވި މީހުން ބަދުނާމް ތިކުރަނީ. ތީ ނޫސްވެރިން ގެ ނިންމާ އަކީ ؟
އެކަން ހުޓުވަނީ މީހުން މަރާގެންތަ މޮޔައާ
ޜޭޕް ކުރާ ގޮތް ކަލެޔައް އެނގެތަ މިހިރަ ބުރާންޗާ
ހިތަށް އަރާކޮންމެ އެއްޗެއް ނުވަތަ ބުނާ ކޮންމެ ބަހަކަށް ބަރޯސާވެ މިގޮތަށް މަގުމަތިން ނިޔާ ކަނޑައަޅަންޏާ އެއީ ވަރަށް ނުރައްކާ ކަމެއް. އޭނަގެ މައްޗަށް ރުހުމަތު ކުރެވުނަސް އެކަން ރިޕޯޓުކޮށް އޭނާ ހައްޔަރު ކުރިނަމަ މާ ރަނގަޅުވީސް އަަދިި އަނިޔާ ލިބުނު ކުއްޖާ އުމުރަށް މި ލޭބަލް ތަހައްމަލް ކުރާކަށް ނުޖެހޭނެ. ވިސްނާލާ!
ޝާޝާ ދުށިންތަ ބެހެނިކޮށް؟