މުދަލު ޒަކާތުގެ ނިސާބު އިސްލާމިކް މިނިސްޓްރީން ކުޑަކޮށްފިއެވެ.
މީގެ ކުރިން މުދަލު ޒަކާތުގެ ނިސާބަކީ 7241.15 ރުފިޔާއެވެ.
އިސްލާމިކް މިނިސްޓްރީން ކުރި އިއުލާނެއްގައި ބުނީ ޖޫން 12 ވަނަ ދުވަހުން ފެށިގެން މުދަލު ޒަކާތް ވާޖިބުވާ ނިސާބަކީ 6396.25ރ ކަމަށެވެ. ނަމަވެސް ނިސާބު ކުޑަކުރި ސަބަބެއް މިނިސްޓްރީއަކުން ހާމައެއް ނުކުރެއެވެ.
މީރާގެ ތަފާސްހިސާބުތަކުން ދައްކާ ގޮތުގައި މިއަހަރުގެ ފުރަތަމަ ދެ މަސްދުވަހުގެ ތެރޭގައި ނިސާބުގެ ގޮތުގައި 9.9 މިލިއަން ރުފިޔާ ދައްކާފައި ވެއެވެ. އެއީ ޖެނުއަރީ މަހުގައި ދެއްކި ހަތް މިލިއަން ރުފިޔާ އާއި މިދިޔަ މަހު ދެއްކި ދެ މިލިއަން ރުފިޔާއެވެ.
އިސްލާމިކް މިނިސްޓްރީގެ ހިސާބުތައް ދައްކާ ގޮތުން، މިދިޔަ އަހަރު މުދަލު ޒަކާތުގެ ގޮތުގައި ޖުމްލަ 90 މިލިއަން ރުފިޔާ ލިބިފައި ވެއެވެ.
މުދަލު ޒަކާތަކީ އެމީހެއްގެ މުދަލުގައި ނިސާބު ހަމަވާތާ އަހަރެއް ފުރިފައިވާ ކޮންމެ މީހެއްގެ މައްޗަށް އޮންނަ ކިފާޔަތުގެ ފަރުޟެކެވެ.
