އަންހެނުންގެ ތަރައްގީއަށް މަސައްކަތްކުރާ ކޮމިޓީތަކަށް ރަށު ކައުންސިލްތަކުގެ އެއްބާރުލުން ނުލިބޭ ކަމަށް ރައީސް އިބްރާހިމް މުހައްމަދު ސޯލިހް ވިދާޅުވެއްޖެއެވެ.
ރައީސް މިހެން ވިދާޅުވީ، މިހާރު ކުރިއަށްދާ "ވިއަވަތި" ކޮންފަރެންސްގައި ވާހަކަ ދައްކަވަމުންނެވެ.
މިގޮތުން ރައީސް ވަނީ ގާނޫނަށް ބަދަލުތަކެއް ގެނެސް ކައުންސިލްތަކަށް ބާރު ދިނީ ރަށްރަށާއި އަތޮޅުތަކުގެ ތަރައްގީއާއި، އިޖްތިމާއީ ދުޅަހެޔޮކަމުގައި އަންހެނުންގެ ބައިވެރިވުން އިތުރުކޮށް އަންހެނުންނަށް އިސް ދައުރެއް އަދާކުރެވޭނެ މަގުފަހިކޮށްދިނުމަށް ކަމަށެވެ.
ނަމަވެސް ބައެއް ރަށްރަށުގެ ކައުންސިލްތަކުން މަސައްކަތުގެ މާހައުލުގައި ކޮމެޓީތަކަށް ދޭން ޖެހޭ އެންމެ ފުރިހަމަ އެއްބާރުލުން ދެމުން ނުދާކަން ރައީސް ފާހަގަކުރިއެވެ.
މީގެ އިތުރުން ރައީސް ވިދާޅުވީ، އަންހެނުން ކޮމެޓީތަކަށް މަސައްކަތް ކުރާނެ ޖާގަ ލިބުމަކީ މުހިންމު ކަމަށާއި އަދި ދަތިވާ ގޮތަށް ހުރި ކަންކަން ބަދަލުކޮށް އެކަމަށް ހައްލެއް އައުމަކީ މުހިންމުކަމެއް ކަމަށް ރައީސް ވިދާޅުވިއެވެ.
ރައީސް މިއަދު ވަނީ ޑްބްލިއުޑީސީގއަށް ދޫކުރާ ބަޖެޓް ބޮޑުކުރަން މަސައްކަތް ކުރައްވާނެ ކަމަށް ވެސް ވިދާލުވެފައެވެ.
