ހއ. ހޯރަފުށީ މަގު ހެދުމުގެ މަޝްރޫއުގެ ދަށުން، ކާސްޓިން މަސައްކަތްތަކުގެ 84 ނިންމާފައިވާ ކަމަށް އެމްޓީސީސީން ބުނެފިއެވެ.
އެމްޓީސީސީން ބުނީ، ހޯރަފުށީ މަގުހެދުމުގެ މަޝްރޫއުގެ ދަށުން، އިލެކްޓްރިކަލް ޖަންކްޝަން ފޮށި ވަޅުލުމާއި ހޮޅި ވަޅުލުމުގެ މަސައްކަތުގެ 36 ނިންމާފައިވާ ކަމަށް އެމްޓީސީސީން ބުނެއެވެ.
މީގެ އިތުރުން، ކާބްސްޓޯން ބެހެއްޓުމުގެ މަސައްކަތް ވެސް މިހާރު ކުރަމުންދާ ކަމަށް ވެސް އެމްޓީސީސީން ބުނެއެވެ.
މި މަޝްރޫއުގެ ދަށުން، 5.3 ކިލޯ މީޓަރުގެ 11 މަގެއް ހެދުމާއި، 25،909 އަަކަ މީޓަރުގެ ސަރަޙައްދެއްގައި ދުއްވާ ސަރަހައްދު ގާއިމު ކުރުން ހިމެނެއެވެ. ހަމައެއާއެކު 11،114 އަަކަ މީޓަރުގެ ސަރަހައްދެއްގައި ޕޭވްމަންޓް ހެދުމާއި، ފެން ހިންދާ ނިޒާމެއް ގާއިމު ކުރުމާއި، މަގުބައްތި ހަރުކުރުމާއި މަގުމަތީ ނިޝާން ހަރުކުރުމުގެ މަސައްކަތް ހިމެނެއެވެ.
ސަރުކާރުން އެމްޓީސީސީއާ މި މަޝްރޫއު ހަވާލުކުރީ 71.90 މިލިއަން ރުފިޔާއަށެވެ.
މި މަސައްކަތް އިފްތިތާހު ކޮށްފައި ވަނީ މިދިޔަ އަހަރުގެ ނިވެމްބަރު މަހުގެ 19 ވަނަ ދުވަހުއެވެ. ސަރުކާރުން މި މަސައްކަތް އެމްޓީސީސީއާ ހަވާލު ކުރި އިރު މި މަސައްކަތް ނިންމުމަށް ދީފައި ވަނީ އެއް އަހަރާއި ފަސް މަސް ދުވަހުގެ މުއްދަތެކެވެ.
