ޓިއުޝަން ދޭ ފިރިހެން ޓީޗަރަކު 18 އަހަރު ނުފުރޭ އަންހެން ދަރިވަރަކަށް ޖިންސީގޯނާ ކުރި މައްސަލައެއް ފެންމަތިވެއްޖެއެވެ.
18 އަހަރުން ދަށުގެ އަންހެން ކުއްޖަކަށް ޖިންސީގޯނާ ކޮށްފައިވާ މައްސަލައެއް ފުލުހުންނަށް ހުށައަޅައިފާ ވަނީ މިދިޔަ ހޮނިހިރު ދުވަހުއެވެ. އެ މައްސަލައާ ގުޅިގެން މިހާތަނަށް އެއްވެސް މީހަކު ހައްޔަރު ކޮށްފައެއް ނުވެއެވެ.
އެހެންނަމަވެސް އެ މައްސަލަ ފުލުހުން ދަނީ ތަހުގީގު ކުރަމުންނެވެ.
ފަހަކަށް އައިސް ޖިންސީ ގޯނާގެ މައްސަލަތައް ގިނަވަމުން އަންނައިރު ޓީޗަރުންގެ އިތުރުން އިތުބާރުކުރެވޭ މަގާމުތަކުގައި ތިބޭ މީހުންވެސް އެފަދަ މައްސަލަތަކުގައި ޝާމިލުވާތަން ފެނެއެވެ. އަދި އެ މައްސަލަތަކުގައި ހައްޔަރުކުރާ ފަރާތްތައް ޝަރީއަތް ނިމެންދެން ބަންދުކޮށް، ސީރިއަސް މައްސަލަތަކެއްގެ ގޮތުގައި އެފަދަ މައްސަލަތައް އަންނަނީ ތަހުގީގު ކުރަމުންނެވެ.
