މުދާ އުފުލުމަށް ބޭނުންކުރާ ލިފްޓެއް ވެއްޓި، ދެ މީހަކަށް އަނިޔާވެއްޖެއެވެ.
މީޑިއާތަކަށް ދިން މައުލޫމާތުގައި ފުލުހުން ބުނީ، އެ ހާދިސާ ރިޕޯޓުކޮށްފައި ވަނީ މިއަދު ހަވީރު 5 ހާއިރު ކަމަށެވެ.
ހުޅުމާލޭގައި ހުންނަ ގުދަނެއްގައި މުދާ އުފުލުމަށް ބޭނުންކުރާ ލިފްޓެއް ވެއްޓުމުން، އަނިޔާވެފައިވަނީ އެ ލިފްޓުގައި އެވަގުތު ތިބި ދެ ބިދޭސީންނަށް ކަމަށް ފުލުހުން ބުންޏެވެ.
ފުލުހުން ބުނި ގޮތުގައި އެ ހާދިސާގައި އަނިޔާވި ދެ ބިދޭސީންނަށް ހުޅުމާލެ ހޮސްޕިޓަލްގައި ފަރުވާދެމުން އެބަ ދެއެވެ.
ފުލުހުން ދަނީ އެ ހާދިސާ އާ ގުޅިގެން އިތުރަށް ބަލަންޖެހޭ ކަންކަން ބަލަމުންނެވެ.
