132 މީހުންނާއެކު ޗައިނާ އީސްޓަން އެއާލައިންގެ ބޯޓެއް ވެއްޓިއްޖެއެވެ.
ޗައިނާގެ ސްޓޭޓް މީޑިއާއިން ރިޕޯޓްކުރި ގޮތުގައި އެ ބޯޓު ވެއްޓުނީ ފަރުބަދަމަތީގެ ރަށެއް ކަމަށް ވާ ވުޒުއޯ ޕްރޮވިންސްގެ ޓެންގް އަވަށަށް ކަމަށާއި ބޯޓު ވެއްޓުނު ޖަންގަލީގެ ސަރަހައްދުގައި ވަނީ އަލިފާން ރޯވެފައި ކަމަށެވެ.
މީޑިއާ ރިޕޯޓްތައް ބުނާގޮތުގައި، ފްލައިޓް އެމްޔޫ5736 ފުރާފައިވަނީ މެންދުރު 13.11 ގައެވެ. ފްލައިޓް ޖައްސަން ހަމަޖެހިފައި އޮތީ މެންދުރު ފަހު 15.05ގައެވެ. އަދި އެ ބޯޓުގައި ދަތުރުކުރި 132 މީހުންގެ ތެރޭގައި ނުވަ ކްރޫން ހިމެނޭ ކަމަށްވެސް ބުނެއެވެ.
އެ ހާދިސާ ހިނގަން މެދުވެރިވީ ކީއްވެގެން ކަމެއް އަދި ނޭނގޭ ކަމަށާއި މި ހާދިސާގައި ސަލާމަތްވީ ކިތައް މީހުން ކަމެއް ވެސް އަދި ނޭނގެ ކަމަށް ޗައިނާގެ ދައުލަތުގެ މީޑިއާ، ސީސީޓީވީއިން ވަނީ ރިޕޯޓު ކޮށްފައެވެ. އަދި މި ހާދިސާގައި ހިމެނޭ މީހުން ސަލާމަތް ކުރުމަށް ސާޗް އެންޑް ރެސްކިއުއިން އެ ސަރަހައްދަށް ދިއުމަށް ދަތުރުފަށާފައިވާ ކަމަށްވެސް މީޑިއާތަކުން ވަނީ ބުނެފައެވެ.
