މަސްރަހު އިންތިހާއަށް ނުތަނަވަސް ވެފައި ވާ ޔޫކްރައިންއަށް ވަދެވެން އޮންނަ 7 ޗެކްޕޮއިންޓްގެ ތެރެއިން، ޑޮންބާސް ސަރަހައްދުގެ ޗެކްޕޮއިންޓްގެ އޮޕަރޭޝަންތައް މެދުކަނޑާލައިފިއެވެ.
ޑޮންބާސް ޗެކްޕޮއިންޓްގެ އޮޕަރޭޝަންތައް ވަގުތީ ގޮތުން މެދުކަނޑާލާފައި ވަނީ އެ ސަރަހައްދުގައި ބަދަލު ކުރަމުން ދާ ހަމަލާތައް އިތުރަށް ވަރުގަދަ ވުމުގެ ސަބަބުން ކަމަށް ޔޫކްރައިން އަސްކަރިއްޔާއިން ވަނީ ބުނެފައެވެ.
އޮޕަރޭޝަންތައް ވަގުތީ ގޮތުން ހުއްޓާލީ ރައްޔިތުންގެ ސަލާމަތްތެރިކަމާ ރައްކާތެރިކަމާ މެދު ސުވާލު އުފެދުމުން ކަމަށާ، މި ނުރައްކާ ދެމި އޮތް މުއްދަތަކަށް، އޮޕަރޭޝަންތައްވެސް އޮންނާނީ މެދުކަނޑާލާފައި ކަމަށް ޔޫކްރައިންގެ އަސްކަރިއްޔާއިން ވަނީ ބުނެފައެވެ.
ޑޮންބާސް ސަރަހައްދަކީ، ޔޫކްރައިންގެ މައި ސަރުކާރުން ވަކިވެގަތުމަށް މަސައްކަތް ކުރާ ހަނގުރާމަވެރިން ގިނަ ސަރަހައްދެކެވެ. ހަމަލާ ބަދަލު ކުރުންތައް ކުރިއަށް ދަނީ ސަރުކާރުގެ އަސްކަރީ ބާރާ، ވަކިވެގަތުމަށް މަސައްކަތް ކުރާ ފައުޖުތަކުގެ އިން ވަކި ކުރާ ސަރަހައްދުގައެވެ. މި ހަމަލާ ބަދަލު ކުރުންތައް ފެށީ ހުސްވި ހަފުތާ ތެރޭގައެވެ.
މި ދަނޑިވަޅަކީ ޔޫކްރައިންގެ މަސްރަހު އިންތިހާއަށް ނުތަނަވަސްވެފައި ވާ ދަނޑިވަޅެކެވެ. ޔޫކްރައިންގެ މަސްރަހު ނުތަނަވަސް ވެފައި ވަނީ، ރަޝިއާއިން ކޮންމެ ފަދަ ވަގުތެއްގައި ރަޝިއާއިން ޔޫކްރައިންއަށް އަރާ، ހަނގުރާމަ ފަށާފާނެ ކަމުގެ އިންޒާރު، އެމެރިކާއާއި އެމެރިކާގެ ހުޅަނގުގެ ބައިވެރިން ދެމުންދާ ދިއުމާ ގުޅިގެންނެވެ.
އެމެރިކާއިން މިފަދަ އިންޒާރުތަކެއް ދެމުން ދަނީ ޔޫކްރައިންއާއި ރަޝިއާ ހިއްސާކުރާ ބޯޑަރު ސަރަހައްދުގައި ރަޝިއާގެ އަސްކަރީ ފިޔަވަޅުތިލަ ވަރުގަދަ ކުރަމުން ދާ ކަމުގެ ހެކި އެބަހުރި ކަމަށް ބުނެއެވެ. ރައްދުގައި ރަޝިއާއިން ބުނަމުން ދަނީ ހަނގުރާމައެއްގެ ޝައުގު ނެތް ކަމަށެވެ.
