މާލެ ކައިރީގައި އޮންނަ ގިރާވަރު ފަޅު ހިއްކާ، މާލޭ ރައްޔިތުންނަށް މަދުވެގެން 2000 ގޯތި ދޭން ރައީސް އިބްރާހިމް މުހައްމަދު ސޯލިހު ނިންމަވައިފިއެވެ.
މިހާރު ކުރިއަށްދާ ރައްޔިތުންގެ މަޖިލިހުގެ މިއަހަރުގެ ފުރަތަމަ ޖަލްސާގައި ރިޔާސީ ބަޔާން އިއްވަވަމުން ރައީސް ވިދާޅުވީ، މާލޭ ރަށްވެހިންނަށް ގޯތި ދިނުމަށް ނިންމާވާފައިވާ ކަމަށާއި މިގޮތުން މާލޭ ރަށްވެހިންނަށް ހުޅުމާލެއިން މަދުވެގެން 1,000 ގޯތި ދިނުމަށް ނިންމާފައިވާ ކަމަށެވެ.
މީގެ އިތުރުން ގުޅީފަޅުން މަދުވެގެން 2,000 ގޯތި ދިނުމަށް ނިންމާފައިވާ ކަމަށް ވެސް ރައީސް ވިދާޅުވިއެވެ. މިމަސައްކަތް މިއަހަރު ޖޫންގައި ފަށާނެ ކަމަށް ރައީސް ވިދާޅުވިއެވެ.
ރައީސް އިތުރަށް ވިދާޅުވީ ގިރާވަރު ފަޅު ހިއްކާ އެބިމުންވެސް މަދުވެގެން 2,000 ގޯތި މާލޭ ރަށްވެހިންނަށް ދެއްވާނެ ކަމަށެވެ. ގިރާވަރު ފަޅަކީ ތިލަމާލެ ބްރިޖް އެދާ ގޮތަށް ގޮސް ގުޅާލެވޭ ތަނަކަށް ވާނެ ކަން ވެސް ރައީސް ފާހަގަކުރެއްވިއެވެ.
ރިޔާސީ މިދައުރު ނިންމާނީ އެންމެ ބޭނުން ޖެހިފައިވާ މާލޭގެ ރައްޔިތުންނަށް އިންވަކިކޮށް، ރޯނުދަމާ، ބިންކަނޑާ، ގޯތީގެފަތް ދިނުމަށްފަހު ކަމަށް ރައީސް ވަނީ ވިދާޅުވެފައެވެ.
ރައީސް ވިދާޅުވީ، ދިވެހިދައުލަތުގެ ހިޔާވަހި ކަމުގެ ދަށުގައިވާ ހުރިހާ ވަސީލަތެއްގެ ހިޔާވަހިކަން ރައްޔިތުންނަށް ލިބެންޖެހޭ ކަމަށެވެ.
ކޮއްމެ އިންތިޚާބަކަށް ފޮޅޭ މަލެއްތީ، މިދިއެ ރިޔާސީ ބަޔާނުގާ ވީ ވައުދުތައް ފުއްދައިފި ތޯ؟ ރމައުމޫނުގެ ވެރިކަމުގާ އިންތިޚާބާ ދިމާކޮށް ކަޑަ ޖަހާ ވާހަކަ ދެއްކި މީހުން މިހާރު ހަމަ މި ކުރަނީ އެއްކަމެއް، އަނެއްކާ ކޯލިޝަނުގާ ރމައުމޫނު ހުންނަވައިގެން ދަސްކޮށްދެއްވަނީބާ! އަނގައޮތިއްޔާ ކާޅެއް ނުކާނެތާ، މިހާރު ތިއޮތީ ފަހުން ފުރާ ބޮޑުރިޔާ ނަގާފަ ނުވިތާކަށް ތުންމަތީ ވެސް ނަގާފަ ވައި އަޅުވާލާއިރަށް އޮޑިގަނދު ދާނީ ފަޅައިގެން.