ލ. ފޮނަދޫ މަގު ހެދުމުގެ މަޝްރޫއުގެ ދެވަނަ ފިޔަވަހީގެ މަސައްކަތް ބާރަށް ކުރިއަށްދާ ކަމަށް އެމްޓީސީސީން ބެނެފިއެވެ.
ފޮނަދޫ މަގު ހެދުމުގެ މަޝްރޫގެ އެންމެ ފަހުގެ ތަފްސީލް ހާމަކުރަމުން އެމްޓީސީސީއިން ބުނީ އެރަށު މަގުހެދުމުގެ މަޝްރޫއު ދެވަނަ ފިޔަވަހީގެ ދަށުން، މިހާރު ކުރިއަށްދަނީ ފެންހިންދާ ނިޒާމް ގާއިމުކުރުމުގެ މަސައްކަތް ކަމަށެވެ.
ފޮނަދޫ މަގު ހެދުމުގެ ދެވަނަ ފިޔަވަހީގެ މަސައްކަތުގެ ދަށުން ފެން ހިންދާ ހޮޅިވަޅުލުމުގެ މަސައްކަތް ފަށާފައިވަނީ ޑިސެމްބަރު 13، 2021 ވަނަ ދުވަހުއެވެ.
އެމްޓީސީސީއިން ބުނީ އެ މަޝްރޫގެ ދަށުން، ފޮނަދޫގެ 3.64 ކިލޯ މީޓަރުގެ ސަރަހައްދެއްގައި ތާރު އެޅުމާއި، ފެން ހިންދާ ނިޒާމެއް ގާއިމު ކުރުމާއި، މަގު ބައްތި ހަރުކުރުމުގެ މަސައްކަތް ހިމެނޭ ކަމަށެވެ.
390 ދުވަސް ތެރޭގައި ނިންމަން މިނިސްޓްރީ އޮފް ނޭޝަނަލް ޕްލޭނިން، ހައުސިން އެންޑް އިންފްރާސްޓްރަކްޗާގެ ފަރާތުން އެމްޓީސީސީއާ ހަވާލުކުރީ މިދިޔަ ޖެނުއަރީ 20، 2021 ގައެވެ. އެ މަޝްރޫގެ އަގަކީ 53.99 މިލިއަން ރުފިޔާއެވެ.
