މާލޭގައި ފްލޫ ކްލިނިކް ކުރިން ހިންގި އިމާރާތުގައި އަލިފާން ރޯވެ އަނދައިފިއެވެ.
އެމްއެންޑީއެފުން ބުނީ އެ ސަރަހައްދުގައި އަލިފާނުގެ ހާދިސާއެއް ހިނގައިގެން އުޅޭ ކަމުގެ މައުލޫމާތު ލިބިފައި ވަނީ މެންދުރުފަހު 2:47 ހާއިރު ކަމަށެވެ.
ހާދިސާގެ މައުލޫމާތު ލިބުމުން، އެ ސަރަހައްދަށް އެމްއެންޑީއެފްގެ ފަޔާ އެންޑް ރެސްކިއު އިން ގޮސް، މެންދުރުފަހު 3:14 ހާއިރު ވަނީ އަލިފާން އެއްކޮށް ނިއްވާލާފައެވެ.
މި ހާދިސާގައި އެއްވެސް މީހަކަށް ގެއްލުމެއް ނުވެއެވެ. ނަމަވެސް އެ ތަނަށް ވަނީ ވަރަށް ބޮޑަށް ގެއްލުންވެފައެވެ.
މިއަދު އަލިފާން ރޯވި އެ ސަރަހައްދަކީ، މިހާރުގެ އިދިކޮޅު ކޯލިޝަނުން ކުރިން ހިނގި ރުމާލު-2 ޖަގަހަވެސް ހިންގި އިމާރާތެވެ.
އެނގިފައިވާ ގޮތުގައި މިހާރު އެ ތަން ބޭނުންކުރަމުން އަންނަނީ މަސްތުވާތަކެތީގެ ވިޔަފާރިކުރާ އައްޑާއެއްގެ ގޮތުގައެވެ.
