ހުޅުމާލޭގައި ސުވިމިން ޕޫލަކަށް ވެއްޓި 4 އަހަރު ކުއްޖަކު މަރުވެއްޖެއެވެ.
ފުލުހުން ބުނީ ހުޅުމާލެ އޯޝަން ފްރަންޓް ރެސިޑެންސް ސުވީމިން ޕޫލަށް 4 އަހަރުގެ ފިރިހެން ކުއްޖަކު ވެއްޓިގެން ހުޅުމާލެ ހޮސްޕިޓަލަށް ގެންގޮސްފައިވާ ކަމުގެ ރިޕޯޓު މިއަދު ހަވީރު 5:10 ހާއިރު ފުލުހުންނަށް ލިބިފައިވާ ކަމަށެވެ.
ފުލުހުން ބުނީ 5:40 ހާއިރު އެ ކުއްޖާ މަރުވެފައިވާ ކަމަށް އެ ހުޅުމާލެ ހޮސްޕިޓަލުން ފުލުހުންނަށް މައުލޫމާތުދީފައިވާ ކަމަށެވެ.
ފުލުހުން އިތުރަށް ބުނީ މި ހާދިސާއާ ގުޅިގެން ބަލަން ޖެހޭ ކަންކަން ފުލުހުން ދަނީ ބަލަމުންކަމަށެވެ.
