ކ. ގުރައިދޫ އިން ގިނަ އަދަދެއްގެ ބިޔަރު ދަޅުތަކެއް ހޯދައިފިއެވެ.
ފުލުހުން ބުނީ މި ބިޔަރުދަޅުތައް ހޯދާފައި ވަނީ މަސްތުވާތަކެއްޗާއި ބަނގުރަލާ ދެކޮޅަށް ފުލުހުން ކުރަމުން ގެންދާ މަސައްްކަތްތަކުގެ ތެރެއިން، ގުރައިދޫގައި ހިންގި އޮޕަރޭޝަނެއްގައި ކަމަށެވެ.
މި މަހު 28 ވަނަ ދުވަހުގެ ރޭ ހިންގި އެ އޮޕަރޭޝަނުގައި އެ ރަށުގެ ހުސްބިމެއް ބަލައި ފާސްކޮށް ގޯނިތަކެއްގައި ފޮރުވާފައި ހުރި 177 ބިޔަރު ދަޅު ހޯދާފައިވާ ކަމަށް ފުލުހުން ވަނީ ބުނެފައެވެ.
ފުލުހުން ބުނީ މި މައްސަލައާ ގުޅިގެން މިހާތަަނަށް މީހަކު ހައްޔަރުކޮށްފައި ނުވާ ކަމަށެވެ.
ގުރައިދޫ ޕޮލިސް ސްޓޭޝަނުން މި މައްސަލަ ތަހުގީގު ކުރަމުންދާ ކަމަށް ފުލުހުން ވަނީ ބުނެފައެވެ.
