އެސޯސިއޭޝަން އޮފް ޗާޓަޑް ސާޓިފައިޑް އެކައުންޓެންޓްސް (އޭސީސީއޭ) އެޕްރޫވްޑް އެމްޕްލޯޔާ ސްޓޭޓަސް އެމްޓީސީސީއަށް ލިބިއްޖެއެވެ.
އެމްޓީސީސީން ބުނީ، އޭސީސީއޭއިން "އެޕްރޫވްޑް އެމްޕްލޯޔާ" ސްޓޭޓަސް އެމްޓީސީސީއަށް ލިބުނީ އޮކްޓޯބަރު 23، 2021 ވަނަ ދުވަހު ކަމަށެވެ.
މި ސްޓޭޓަސް އެވޯޑު ކޮށްފައި ވަނީ ޕްރޮފެޝަނަލް ޑިވެލޮޕްމަންޓް ލެވަލްގައި ކަމަށް އެމްޓީސީސީން ބުނެއެވެ.
އެމްޓީސީސީން ބުނީ އޭސީސީއޭ ދަރިވަރުންނާއި، އެފިލިއޭޓުންނާއި އަދި މެމްބަރުން ވަޒީފާތަކަށް ހޯދާ، ތަމްރީންކޮށް، ބޭތިއްބުމުގައި އޭސީސީއޭ އެޕްރޫވްޑް އެމްޕްލޯޔާ ސްކީމް މުހިއްމު ދައުރެއް އަދާކުރާ ކަމަށެވެ.
އެމްޓީސީސީއަށް އޭސީސީއޭ އެޕްރޫވްޑް އެމްޕްލޯޔާ ސްޓޭޓަސް ލިބުމަކީ އެމްޓީސީސީގައި ވަޒީފާއަދާކުރާ އޭސީސީއޭ ދަރިވަރުންނާއި އެފިލިއޭޓުންނަށް ކުންފުނިން ފޯރުކޮށްދޭ ތަމްރީނާއި ކުރިއަށް ދިއުމަށް ހުރި ފުރުސަތުތަކަކީ މަތީ ފެންވަރުގެ ތަމްރީންތަކެއްކަން ޔަގީންކޮށްދޭ ކަމެއް ކަމަށް އެމްޓީސީސީން ބުނެއެވެ.
އެމްޓީސީސީން ބުނީ އޭސީސީއޭ އެޕްރޫވްޑް އެމްޕްލޯޔާ ސްޓޭޓަސް އެމްޓީސީސީއަށް ލިބިފައިވުމާއެކު، އެމްޓީސީސީގައި ވަޒީފާއަދާކުރާ އޭސީސީއޭ މެމްބަރުންނަށް އޭސީސީއޭގެ ޕްރޮފެޝަނަލް ޑިވެލޮޕަމަންޓް (ސީޕީޑީ)ގެ ޝަރުތުތައް ފުރިހަމަވެގެންދާނެ ކަމަށެވެ.
