އދ ގެ އޮފީސް އޮން ޑްރަގްސް އެންޑް ކްރައިމް (ޔޫއެންއޯޑީސީ) އިން ފުލުހުންނަށް ސީސީޓީވީ އިކުއިޕްމަންޓު ހަދިޔާކޮށްފިއެވެ.
މިކަމަށްޓަކައި މިއަދު ކ. މާފުށީގެ ކާނި ހޮޓަލުގައި ބޭއްވި ރަސްމިއްޔާތުގައި އެތަކެއްޗާ ފުލުހުންގެ ފަރާތުން ހަވާލެވެލެއްވީ ޑެޕިއުޓީ ކޮމިޝަނަރު އަބްދުލް މަންނާން ޔޫސުފެވެ. ޔޫއެންއޯޑީސީގެ ފަރާތުން އެތަކެތި ހަވާލުކޮށްދެއްވީ އެ އޮފީހުގެ ޕްރޮޖެކްޓް ސަޕޯޓު އޮފިސަރު ޖޯޝުއާ އާޓެޓާ ގޮންޒާލޭޒެވެ.
މި ރަސްމިއްޔާތުގައި ވާހަކަ ދައްކަވަމުން، ޑެޕިއުޓީ ކޮމިޝަނަރު މަންނާން ވަނީ ޔޫއެންއޯޑީސީގެ ފަރާތުން ފުލުހުންނަށް ފޯރުކޮށްދެމުންދާ އެހީތެރިކަމާއި، ފުލުހުންގެ މަސައްކަތްތައް އިތުރަށް ހަރުދަނާ ކުރުމުގެ ގޮތުން ޔޫއެންއޯޑީސީ އާއި ޖަޕާނުގެ ސަރުކާރުން ކުރަމުންދާ މަސައްކަތްތަކަށް ޝުކުރު އަދާކުރައްވާފައެވެ.
މި ރަސްމިއްޔާތުގައި ފުލުހުންގެ އިސް އޮފިސަރުންނާއި ޖަޕާން އެމްބަސީގެ ސާޒޭ ޑި އެފެއާޒް ނައޮމީ އަސާނޯ ބައިވެރިވެ ވަޑައިގަތެވެ.
