ގދ. ތިނަދޫ ޑރ. އަބްދުއްސަމަދު މެމޯރިއަލް ހޮސްޕިޓަލް މަރާމާތު ކުރުމުގެ މަޝްރޫއުގެ ބޮޑުބައެއްގެ މަސައްކަތް ނިމިފައިވާ ކަމަށް އެމްޓީސީސީން ބުނެއެވެ.
އެމްޓީސީސީން ބުނީ އެހޮސްޕިޓަލް މަރާމާތު ކުރުމުގެ މަސައްކަތުގެ 64 ޕަސަންޓް ނިމިފައިވާ ކަމަށާއި އޯޕީޑީ އިމާރާތުގައި އެއާ ކޮންޑިޝަން ހަރުކުރުމުގެ މަސައްކަތް މިމަހު ނުވަ ވަނަ ދުވަހު ފަށާފައިވާ ކަމަށެވެ.
މި މަޝްރޫއުގެ ދަށުން 14 ކޮންސަލްޓިން ރޫމް ހިމެނޭ އޯޕީޑީ އޭރިޔާއެއް އަޅަން ޖެހެއެވެ. އަދި ލޭބާ ރޫމަކާއި އެންއައިސީޔޫއަކާއި 4 ޕްރައިވެޓް ރޫމް ވެސް އަޅަން ޖެހެއެވެ.
މި މަސައްކަތް އެއްކޮން އަންނަ އަހަގެ ޖެނުއަރީއަށް ނިމޭނެ ކަމަށް އެމްޓީސީސީން ލަފާކުރެއެވެ.
މިދިޔަ އަހަރުގެ މެއި މަހު އެމްޓީސީސީއާ ހަވާލުކޮށްގެން ހިންގާ މި މަޝްރޫއަކީ 33.5 މިލިއަން ރުފިޔާގެ މަޝްރޫއެކެވެ.
