މާލެއިން ގެއްލިގެން ހޯދަމުން ދިޔަ މީހާ އައްޑޫ ސިޓީއިން ފެނިއްޖެ ކަމަށް ފުލުހުން ބުނެފިއެވެ.
ފުލުހުން ގެއްލިގެން ހޯދަން އިއުލާންކުރީ ދ. މީދޫ / ނޫރާނީވިލާ، އަލީ އިސްމާއީލް (54އ) އެވެ.
ފުލުހުން ބުނީ އަލީ އިސްމާއިލް ހޯދަމުން ދާކަން އެނގިގެން އޭނާ މިއަދު ވަނީ އައްޑޫ ސިޓީ ޕޮލިސްއަށް އަމިއްލައަށް ހާޒިރުވެފައި ކަމަށެވެ.
މައުލޫމާތު ލިބިފައިވާ ގޮތުން އެ މީހާ އައްޑުއަށް ދިޔައީ މަސްދަތުރެއްގައެވެ. އަދި އާއިލާއަށް ހަބަރެއް ވެފައި ނުވަނީ އޭނާގެ ފޯނު ހަލާކުވެފައި އޮތުމުން ކަމަށް މައުލޫމާތު ވަނީ ލިބިފައެވެ.
ފުލުހުން އެ މީހާ ހޯދަން ކުރި އިއުލާނުގައި ބުނީ ވީނުވީއެއް ނޭނގި ގެއްލިގެން އެމީހާގެ އާއިލާގެ ފަރާތުން ފުލުހުންނަށް ރިޕޯޓް ކޮށްފައި ވަނީ މި ޑިސެމްބަރު މަހުގެ 2 ވަނަ ދުވަހުގެ ވަގުތެއްގައި ކަމަށާއި ފުލުހުންނަށް މިކަން ރިޕޯޓް ކުރުމާ ގުޅިގެން އެމީހާ ހޯދުމުގެ މަސައްކަތް ކުރަމުން ދިޔަ ކަމަށެވެ.
