އިންސާނާކަށް ލިބޭ އެންމެ ބޮޑު އެއް ނިއުމަތަށް ފުރިހަމަ ގުނަވަންތައް ވެއެވެ. ދުނިޔެއަށް އުފަންވާއިރު ލިބިފައިހުރި އައިބެއްގެ ސަބަބުން ގުނަވަނެއް ނެތި އުޅުމަކީ އުނދަގޫ ކަމަށް ނުވިޔަސް ދިރިއުޅުމުގެ ވަކި ހިސާބަކުން ދިމާވާ ހާދިސާއަކުން ގުނަވަނުގެ ބޭނުން ކެނޑި ނުވަތަ އެ ގުނަވަނެއް ހަށިގަނޑާ ވަކިކުރަން ޖެހޭ މީހުން މަދުން ނަމަވެސް އުޅެއެވެ. އެ ގުނަވަނަކާ ނުލާ މީހަކު އުޅޭނެ ހާލު އަންދާޒާ ކޮށްލެވޭ ހެއްޔެވެ؟
މި މަހުގެ 16 ވަނަ ދުވަހުގެ ރޭ ނިކަގަސްމަގުގައި ހިނގި ނުރައްކާތެރި އެކްސިޑެންޓެއްގައި ފައި ޗިސްވެ ބުރިކޮށްލި އުމުރުން 47 އަހަރުގެ މަރިޔަމް ޝަހީދާ އެ ރޭވެސް ނިކުތީ އާދައިގެ މަތިން 11 އަހަރުގެ ދަރިފުޅު ޓިއުޝަން ކްލާހުން ބަލައެވެ. މައްޗަންގޯޅި ބުރު ކައިރީގައި ހުންނަ ޝަހީދާގެ ގެއިން ނުކުމެގެން މަޑުމަޑުން ހިނގާފައި މާދުރަށް ނުދެވި އުޅެނިކޮށް ފަހަތުން ބާރަށް ދުއްވާފައި އައި ޕިކަޕަކުން ޖެހި ވިއްސައިގެން ގޮސް ހޮޅި ދަނޑިއެއް (ޓްރެފިކް ބޯޑެއް) ގައި ޖެހި ފިތުނެވެ. އެ ހޮޅިދަނޑި ހުރީ ކަންމައްޗަށް ވާ ގޮތަށް ހުރި ފާރާ ފޫޓެއްހާ ދުރުމިނުގައި ކަމުން ޕިކަޕު ހުއްޓެނީ ހޮޅިދަނޑިއާއި ފާރުގައި ޖެހިފައެވެ.
ޝަހީދާއަށް ލިބުނު އަނިޔާތަކަށް މި ވަގުތުވެސް އޭޑީކޭ ހޮސްޕިޓަލްގައި ފަރުވާ ހޯދަމުން އަންނައިރު އެކްސިޑެންޓްގައި ލިބުނު އަނިޔާތަކުން އެ ރޭ އޭނާގެ ފައި ބުރިކޮށްލަން ޖެހުމުގެ އިތުރުން އެކިވަރުގެ ބޮޑެތި އަނިޔާ ލިބިފައިވާކަން ޑޮކްޓަރުންނާ ހަވާލާދީ އާއިލާއިން ވަނީ ބުނެފައެވެ.
18 އަހަރުން މަތީގެ ދެ ފިރިހެން ކުދިންނާއި 11 އަހަރުގެ ފިރިހެން ކުއްޖަކު ހުންނަ ޝަހީދާ އަކީ އެކަނިވެރި މައެއްގެ ގޮތުގައި ދަރިންގެ ހައްގުގައި ހަނގުރާމަކުރަމުން ދާ ހިތްވަރުގަދަ އަންހެނެކެވެ. އެ ހިތާމަވެރި އެކްސިޑެންޓް ހިނހި އިރު، ފިހާރައެއްގައި ވަޒީފާ އަދާކުރަމުން ކުދިންނާއި އެހެނިހެން ހަރަދުތައް ބަލަހައްޓަމުން ދިޔަ ޝަހީދާ މީގެ ކުރިން ވަނީ 17 އަހަރެއްހާ ދުވަސް ވާންދެން ހެލްތް މިނިސްޓްރީގައި ސަރުކާރަށް ހިދުމަތް ކޮށްދީފައެވެ.
ލިޔެލާ އަކުރުތަކަކުން ބަޔާންކޮށް ދޭންވެސް ދަތި ހާލެއްގައި ހުރެމެ، "ދަ ޕްރެސް" އަށް ޝަހީދާގެ މައުލޫމާތު ހިއްސާކުރަމުން އޭނާގެ ކޮއްކޮ ބުނީ، ޓިއުޝަން ކްލާހާއި ގެއާ ކައިރިކަމުން އޭނާ ދިޔައީ ގޭގައި ފޯނު ބާއްވައިފާ ކަމަށާއި އާއިލާއަށް އެނގުނީ އެކްސިޑެންޓު ހިނގާ، ހޮސްޕިޓަލަށް ގެންދިޔަ ފަހުން އޭޑީކޭގައި މަސައްކަތް ކުރާ އާއިލާގެ މީހެއްގެ ފަރާތުން ކަމަށެވެ.
ހޮސްޕިޓަލަށް ގެންދިޔަ ފަހުން ވެސް ޝަހީދާ ވާހަކަދައްކާފައި ވާއިރު އޭގެ ފަހުން އޭނާ ހޭނެތުނެވެ. އެކްސިޑެންޓުގައި ޗިސްވީ އޭނާގެ ވާއަތުފަޔެވެ. ވައަތުފައި ޗިސްވެ ލިބުނު އަނިޔާތަކުން ލޭ މަނާ ނުވުމުން އާއިލާއާ ބައްދަލުކޮށް ޑޮކްޓަރު ބުނީ ޝަހީދާގެ ފައި ބުރި ކޮށްލަން ޖެހޭނެ ކަމަށެވެ. އެހެންނަމަވެސް އެކަމުގައި އެންމެ ފުން ހިތާމައެއް ލިބޭނެ ބަޔަކީ އާއިލާއަށް ވާއިރު އެކަމަކީ ގަބޫލު ކުރަން ފަސޭހަ ކަަމަކަށް ނުވާނެއެވެ. ދެ ފަހަރުމަތިން އަދިވެސް މަސައްކަތް ކޮށްދިނުމަށާއި އެނޫން އެހެން ގޮތެއް އޮތްތޯ ބަލައިދިނުމަށް އާއިލާއިން ޑޮކްޓަރު ގާތު އެދުނު ނަމަވެސް އެކަމުގައި އިތުރު ގޮތެއް ނެތުމުން އެރޭ ޝަހީދާގެ ވައަތުފައިގެ ކަކުލު ހުޅަށް ވުރެ މަތިން ވަނީ ބުރިކޮށްލާފައެވެ.
ޝަހީދާއަށް އިތުރަށް ލިބުނު އަނިޔާތައް ކިޔައިދެމުން އޭނާގެ ކޮއްކޮ ބުނީ ވައަތުފައިގެ އުކުޅުވަޅުގެ ކަށިގަނޑުގައި ގައި ވަނީ ރެނދުލާފައި ކަމަށާއި އެތަން ހުރީ ވަކިވާ ނުވާ ވަރުގައި ކަމަށެވެ. އަދި އަނގަޔަށް ވަނީ ބޮޑެތި އަނިޔާތަކެއް ލިބިފާ ކަމަށްވެސް ބުންޏެވެ. އެގޮތުން ތައްޔަށް ދަތްޕިލަ ވަދެ، ބައެއް ދަތްތައް ހަލާކުވެ، ނެއްޓިފައިވާ ކަމަށް އާއިލާއިން ވަނީ ބުނެފައެވެ. މީގެ އިތުރުން އަތުގެ ކަށިތަކުގައި ރެނދުލާފައިވާ ކަމަށް ވެސް ބުންޏެވެ. ލިބިފައިވާ އަނިޔާތަކުގެ ހުރިހާ ތަފްސީލެއް އަދި ލިބިފައި ނުވާ ކަމަށް ބުނަމުން އާއިލާއިން ބުނީ އުކުޅުވަޅުގެ ކަށިގަނޑުގެ އޮޕަރޭޝަން 10 ދުވަސް ފަހުން ކުރާނެ ކަމަށް ޑޮކްޓަރުން ބުނެފައިވާ ކަމަށެވެ.
ޝަހީދާއަށް ބޮޑެތި އަނިޔާތަކެއް
ޝަހީދާއަށް އިތުރަށް ލިބުނު އަނިޔާތައް ކިޔައިދެމުން އޭނާގެ ކޮއްކޮ ބުނީ ވައަތުފައިގެ އުކުޅުވަޅުގެ ކަށިގަނޑުގައި ގައި ވަނީ ރެނދުލާފައި ކަމަށާއި އެތަން ވަކި ހުރީ ވަކިވާ ނުވާ ވަރުގައި ކަމަށެވެ. އަދި އަނގަޔަށް ވަނީ ބޮޑެތި އަނިޔާތަކެއް ލިބިފާ ކަމަށްވެސް ބުންޏެވެ. އެގޮތުން ތައްޔަށް ދަތްޕިލަ ވަދެ، ބައެއް ދަތްތައް ހަލާކުވެ، ނެއްޓިފައިވާ ކަމަށް އާއިލާއިން ވަނީ ބުނެފައެވެ. މީގެ އިތުރުން އަތުގެ ކަށިތަކުގައި ރެނދުލާފައިވާ ކަމަށް ވެސް ބުންޏެވެ. ލިބިފައިވާ އަނިޔާތަކުގެ ހުރިހާ ތަފްސީލެއް އަދި ލިބިފައި ނުވާ ކަމަށް ބުނަމުން އާއިލާއިން ބުނީ އުކުޅުވަޅުގެ ކަށިގަނޑުގެ އޮޕަރޭޝަން 10 ދުވަސް ފަހުން ކުރާނެ ކަމަށް ޑޮކްޓަރުން ބުނެފައިވާ ކަމަށެވެ.
އޭޑީކޭގެ އައިސީޔޫގައި ފަރުވާ ދިނުމަށް ފަހު ބުރާސްފަތި ދުވަހުގެ ރޭ ދަންވަރުގެ ވަގުތެއްގައި ޝަހީދާ އެ ހޮސްޕިޓަލްގެ ވޯޑަށް ވަނީ ބަދަލުކޮށްފައެެވެ. އޭގެ ފަހުން ކުޑަކޮން ވާހަކަދައްކާ ކަމަށް އާއިލާއިން ވަނީ ބުނެފައެވެ.
އާއިލާގެ އެހީތެރިކަން
އެކަނިވެރި މަޔަކަށް ވުމުގެ ސަބަބުން އާއިލާގެ އެންމެންވެސް އަބަދުވެސް ވީ ވަރަކުން ޝަހީދާއަށް އެހީތެރިކަން ފޯރުކޮށްދެއެވެ. މި ހިތާމަވެރި ހާދިސާއިން އާއިލާގެ ގިނަ ބަޔަކަށް ފުން އަސަރެއް ކޮށްފައި ވާއިރު އޭނާގެ މަންމަ އިނީ އަދިވެސް ވާހަކަ ނުދެއްކޭ ހާލަތުގައި ކަމަށް އާއިލާއިން ބުނެއެވެ. އާއިލާއިން އިތުރަށް ބުނީ ޝަހީދާ ފެންނަ ކޮންމެ ފަހަރަކު ހިތްވަރު ކުރިޔަސް ކޮންމެ މީހަކަށްވެސް ހިތްފަޅައިގެންގޮސް ރޮވޭ ކަމަށެވެ. މިހާދިސާ ހިނގިއިރު ޝަހީދާ އައީ މިއަންނަ ޑިސެންބަރު ނުވަތަ ޖެނުވަރީ މަހުގެ ތެރޭގައި ކައިވެންޏެއް ކުރުމަށް ތައްޔާރުވަމުންނެވެ.
މިހާދިސާ ހިނގިއިރު ޝަހީދާ އައީ މިއަންނަ ޑިސެންބަރު ނުވަތަ ޖެނުވަރީ މަހުގެ ތެރޭގައި ކައިވެންޏެއް ކުރުމަށް ތައްޔާރުވަމުންނެވެ.
ޝަހީދާ އަށް އެހީވޭ
ޝަހީދާއަށް އެހީ ހޯދުމަށް "ހެޔޮ އިންވެސްޓް" ފިހާރައިން ވަނީ "ހެލްޕް ޝަހީދާ" ގެ ނަމުގައި އިއްޔެ ހެނދުނު 9 އިން މިއަދު ހެނދުނު 9 އަށް ކެމްޕޭނެއް ކުރިއަށް ގެންގޮސްފައެވެ.
"ދަ ޕްރެސް" އަށް މައުލޫމާތު ދެމުން އެ ފިހާރާގެ ވެރިޔާ ފާތިމަތު އަޒްހީމާ ބުނީ ޝަހީދާ އަކީ އެ މީހުންގެ ރެގިއުލާ ކަސްޓަމަރެއް ކަމަށެވެ. އަދި އެ މަންޒަރު އެ ފިހާރައިގެ މުވައްޒަފުންނަށް ފެނި އެހީތެރިކަން ފޯރުކޮށް ދީފައިވާ ކަމަށް ވެސް އަޒްހީމާ ބުންޏެވެ. މިއަދު ޝަހީދާގެ ދޮށީ ދަރިއަށް ގުޅި ކަމަށާއި އޭނާ ވަނީ އަންދާޒާ ކޮށްލާފައި 285،000 ރުފިޔާ ލިބިފައިވާ ކަމަށް ބުނެފާ ކަމަށް އަޒްހީމާ ބުންޏެވެ.
ޝަހީދާގެއަށް އެންމެގެ ހެޔޮ ދުއާއާއި އެހީ ބޭނުންވެއެވެ.
އެކަންޓުން ނަން: މަރިޔަމް ޝަހީދާ
އެކައުންޓް ނަމްބަރު (ރުފިޔާ): 7704261584101
'ދަ ޕްރެސް' ގެ ދުއާއަކީ މާތް ﷲ މަރިޔަމް ޝަހީދާއަށް އަވަސް ޝިފާއެއް މިންވަރު ކުރައްވައި އެ އާއިލާއަށް ކެތްތެރިކަން ދެއްވުމެވެ. އަދި އަހަރެމެން ދިވެހިންނަކީ އެކަކު އަނެކަކަށް އެހީތެރިވާ ބައެއް ކަމުގައި ލެއްވުމަށެވެ.
ވަރަށް ދެރަވެއްޖެ. މިކަހަލަ ހާދިސާތައް މަދު ކުރުމައް ކަފިހި ހުރަސްތައް މަގުގެ ފެށޭ ނުވަތަ ނީމޭހިސާބުން ނަގަން ވިސްނުން މުހިންމު. ވިސްނާބަޔަކަށް މިކަމުގެ މުހިންމު ކަން ވިސްނޭނެ.
ތިކަމުން ވެސް އިބްރަތް ހާސިލް ކުރުމުގެ ބަދަލުގަ އަދިވެސް ފައިސާ ކެވޭތޯ. ބޮޑުވަރު ތީ.
ޕިކަޕް ދުއްވަން އިންމީހާގެ ހުރިހާ ލައިސަންސް އެއް ބާތިލްކޮށް ތިކަލޭގެ ޢުމުރަށް ޖަލަށްލާންވި ބުރަމަސައްކަތާ އެކު ތިކަހަލަ ބުރާންތި ވެފަ ތިބޭމީހުން ދުއްވާ އެއްވެސް އެއްޗެއް ދުއްވަން ހުއްދަ ދިނުމަކީ ރަނގަޅު ކަމެއް ނޫން އަދި އޭނަގެ އެއްވެސް މުދަލެއް ހުރިނަމަ އެއެއްޗެއް ވިއްކާފަ ޝަހީދާއަށް ދޭންވި
އެކަނިވެރި މައެއްގެ ގޮތުގައި ދަރިންގެ ހައްގުގައި ހަނގުރާމަކުރަމުން ދާ ހިތްވަރުގަދަ އަންހެނެކެވެ! މިހާރަކަށް އައިސް މުޅިންވެސް ހަނގުރާމަ ކެންސަރު ހަނގުރާމަ ޕުއްޕާމޭގެ ހަންގުރާމަ ހުމުގެ ހަނގުރާމަ އެއްމެހައި ބަލިތަކަށް ހަނގުރާމަ، ބަލިބައްޔަކީ ތިމާ ކެއްތެރިވެ ﷲ އަށް ދުއާކޮއް ތައުބާވެހެޔޮ ގޮތުގައި އުޅެން ލިބޭ ފުރުސަތެކެވެ، އެކަނިވެރި މަޔަކަށް ނުވާނެ ކުދިންގެ ބައްޕަ ހަރަދު ނުކުރޭބާވައެވެ. ގިނަ ބަފައިންނީ ނުހަނު ދަރިންދެކެ ލޯބިވާ ބަޔެކެވެ. ހަރަދުކުރާ ބަޔެކެވެ. ގިނަފަހަރައް އަނބިން ގޯސްހަދާ ކައިވެނި ރޫޅެނީ. ފައި ބުރިވި އުޙުތާއަށް ހެޔޮޖަޒާ ދެއްވާ އުފާވެރި ދުސްތަަކެއް ދެއްވާށި.
އާދެ، ފިރިހެނުން މިސްކިތުގައި ސަޖިދައިގައި އޮއްވައި ކައިވެނި ރޫޅެނީ ހަމަ. ކީއްތޯ ކުރާނީ؟
ޝަހީދާ އުޅެނީ ކައިވެންޏެއް ކުރަނީ ދެފިރިޔަށްބާ ކޮބައިބާ ކުރީގެ ފިރިމީހާ ހަބަރުގަ ހާދަ އޮޅުން އަރައޭ
އެކަނިވެރި މައެކޭ ބުނެފަ އެބައިން. އޭގެ މާނައަކީ ކުރިން މީހަކާ އިނދެ ކުދިން ލިބި ވަރިވެ އަދި އަމިއްލަ އަށް ކުދިން ބަލަމުންދާ މީހެއް ކަން.
އޮޅުން އަރަންޏާ ނުކިޔަބެ
ތިންކުދިންގެ ބަފާ ކޮބަޔޯ މިހާރު އެއްވެސް ނޫހަކުން މިކަންސާފެއްނުވޭ ވީގޮތެއްވެސް ބުނެބަލަ
ތިން ކުދިންގެ ބަފައެއް ހުރި ނަމަ އެކަނި މާ އެކަނި ތިން ދަރިން ބަލާކަށް ނުޖެހުނީސްތާ
ބަފަޔާ އަމަޔާ ވީ ތަނެއްތަ ހޯދަންވީ އަދިވެސް؟ ހެޔޮ ދުޢާ ކޮއްބަލަ އެދައްތައަށް -_-
ދުއްވި މީހާ އުމުރަށް ޖަލަށް ލާނަ ޖޭހޭނެ
ޕިކަޕު ދުއްވިމީހާ އުމުރައްޖަލައް ލުމަކީ ހައްލެއްނޫން އަދި އިންސާފު ލިބި ފައި އަލުން ރުޖޫއަވުމެއްވެސްނޫން ގަސްތަކާނުލާ ކުރެވޭ ކަންކަމައް އަދަބެއްނޯވޭ މަރުގެ އަދަބު ދިނުމެއްވެސްނޯވޭ މާލޭގަ ދުއްވާ ވެހިކަލުތަކުގެ ވެރިންނައް އިތުރައް އެވެޔާނަސް ޕްރޮގްރާމް ހިންގަންވީ މަގުހުރަސްކުރާއިރުވެސް ރަނގަޅައް ބަލާފަ ނޫނީ ހުރަސްނުކުރަންވީ ހިނގާމީހުންވެސް ބައެއްފަހަރު ވަރައް ފަރުވާކުޑަ ހަމަކުއްލިޔަކައް ދުއްވަފަ އެއްޗެއް އަންނަނިކޮން ކުރިމައްޗައް އަރާފައެބަހުރި
ކޮބާ މިހާރު ޕިކަޕް ދުއްވި މީހާ